Sally Kirkland: ऑस्कर-नामांकित अभिनेत्रीचे वयाच्या ८४ व्या वर्षी निधन, ‘अ‍ॅना’ चित्रपटामधून मिळवली प्रसिद्धी

प्रसिद्ध हॉलिवूड अभिनेत्री सॅनी किर्कलँड यांचे वयाच्या ८४ व्या वर्षी निधन झाले आहे. त्यांच्या निधनाने हॉलिवूड इंडस्ट्रीमध्ये शोककळा पसरली आहे. तसेच त्यांच्या कुटुंबासह त्यांचे चाहतेही शोक व्यक्त करत आहेत.

• सॅनी किर्कलँडचे वयाच्या ८४ व्या वर्षी निधन
• ‘अ‍ॅना’ चित्रपटामधून मिळवली प्रसिद्धी
• २५० हून अधिक चित्रपटांमध्ये केले काम

प्रसिद्ध हॉलिवूड अभिनेत्री सॅली किर्कलँड यांचे वयाच्या ८४ व्या वर्षी निधन झाले आहे. त्यांच्या दमदार अभिनयासाठी अभिनेत्रीला ऑस्करसाठी नामांकन मिळाले होते. १९८७ मध्ये आलेला अभिनेत्रीचा “अ‍ॅना” हा चित्रपट बॉक्स ऑफिसवर धुमाकूळ घालत होता. आणि अभिनेत्रीला यामुळे जास्त प्रसिद्धी मिळाली आहे. काही दिवसांपूर्वीच तिच्या पायाला दुखापत झाल्याची बातमी समोर आली होती, त्यानंतर तिला हॉस्पिस केअरमध्ये ठेवण्यात आले होते. आता, अभिनेत्रीच्या निधनाच्या बातमीने तिच्या चाहत्यांना धक्का बसला आहे. तसेच चाहते शोक व्यक्त करत आहेत.

राहत्या घरात अचानक बेशुद्ध झाला गोविंदा, जुहू रुग्णालयात अभिनेता दाखल; कशी आहे तब्येत?

गेल्या महिन्यात अभिनेत्रीला झाली दुखापत

व्हरायटीनुसार, सॅली किर्कलँड यांच्या जवळच्या मैत्रिणीने त्यांच्या निधनाची पुष्टी केली. तेव्हापासून, चाहते सोशल मीडियावर फोटो शेअर करत आहेत आणि त्यांना श्रद्धांजली वाहत आहेत. अभिनेत्रीच्या GoFundMe पेजनुसार, ऑक्टोबरमध्ये अभिनेत्रीला पायाला दुखापत झाली आणि बरगड्या तुटल्या. दुखापतीनंतर अभिनेत्री रुग्णालयात उपचार घेत होती, ज्यामुळे अभिनेत्रीला डिमेंशिया देखील झाला.

 

See more

So sad to hear of the passing of sweet Sally Kirkland. We worked together on her last, and one of her favorite films “Sallywood” where she gave a bravura performance as herself. She was funny, feisty, vulnerable and self deprecating.
She never wanted anyone to say she was gone.… pic.twitter.com/qf5MJkhwKi — Jennifer Tilly (@JenniferTilly) November 11, 2025

२५० हून अधिक चित्रपटांमध्ये केले काम

सॅली किर्कलँडने त्यांच्या कारकिर्दीत २५० हून अधिक चित्रपटांमध्ये काम केले आहे. चित्रपटांव्यतिरिक्त, अभिनेत्रीने टेलिव्हिजनवर काम करून प्रेक्षकांची मने जिंकली. १९८७ मध्ये आलेला तिचा “अ‍ॅना” हा चित्रपट इतका लोकप्रिय झाला की सॅली किर्कलँडची व्यक्तिरेखा प्रेक्षकांच्या हृदयात कोरली गेली. तिच्या उत्कृष्ट अभिनयासाठी तिला ऑस्करसाठीही नामांकन मिळाले. नामांकन मिळाल्यानंतर, अभिनेत्रीने तिचा अनुभव शेअर केला. ती म्हणाली, “ऑस्कर समारंभात उपस्थित राहिल्याने मला सिंड्रेलासारखे वाटले.”

धर्मेंद्र यांना रुग्णालयातून मिळाला डिस्चार्ज, आयुष्यातील शेवटच्या लढाईतून घरी परतला He-Man

अभिनेत्री सॅली किर्कलँड कोण होती?

सॅली किर्कलँडचा जन्म ३१ ऑक्टोबर १९४१ रोजी न्यू यॉर्कमध्ये झाला. चित्रपटांमध्ये प्रवेश करण्यापूर्वी तिने मॉडेल म्हणून तिच्या कारकिर्दीची सुरुवात केली. मॉडेलिंगनंतर तिने १९६१ मध्ये थिएटरमध्येही काम केले आणि अभिनय जगात स्वतःला स्थापित केले. सॅली किर्कलँडने “कोल्ड फीट” (१९८९), “बेस्ट ऑफ द बेस्ट,” “जेएफके” (१९९१), “आय, ब्रूस ऑलमाईटी” (२००३) आणि १९९१ चा हॉरर चित्रपट “द हॉन्टेड” यासह अनेक हॉलिवूड चित्रपटांमध्ये काम केले आहे.