पिंट्या झाला बाबा; ‘होणार सून मी या घरची’ फेम रोहन गुजरने तीन महिन्यांनी शेअर केला पहिला फोटो

अभिनेता रोहन गुजर याने काही महिन्यांपूर्वी त्याच्या पत्नीचे बेबी बंप फोटोशुट केलं होतं. ते फोटो त्याने सोशल मीडियावर देखील शेअर केले होते. त्यानंतर आता तीन महिन्यांनी रोहनने त्याच्या जुळ्या मुलांचा फोटो शेअर केला आहे.

• पिंट्या झाला बाबा;
• अभिनेता रोहन गुजरने तीन महिन्यांनी शेअर केला पहिला फोटो

झी मराठीवरील गाजलेली म्हणजे मालिका म्हणजे होणार सून मी ह्या घरची. मालिका संपून कित्येक वर्ष झाली तरी आजही प्रत्येक प्रेक्षक या मालिकेवर भरभरुन प्रेम करतो. या मालिकेतील श्री आणि जान्हवी हे दोघेच नाही तर मालिकेतील इतर कलाकारांनी देखील प्रेक्षकांची मनं जिंकली. यातील एक व्यक्तीरेखा म्हणजे जान्हवीचा भाऊ पिंट्या. जसं श्री आणि जान्हवीसारखे जावई आणि सून असावी असं प्रत्येकाला वाटायचं तसंच भाऊ असावा तर पिंट्यासारखा असं देखील म्हटलं जायचं. याच पिंट्याची भूमिका साकारणारा अभिनेता रोहन गुजर याने काही महिन्यांपूर्वी त्याच्या पत्नीचे बेबी बंप फोटोशुट केलं होतं. ते फोटो त्याने सोशल मीडियावर देखील शेअर केले होते. त्यानंतर आता तीन महिन्यांनी रोहनने त्याच्या जुळ्या मुलांचा फोटो शेअर केला आहे.

Tula Pahata : अभिनेत्री निशिगंधा वाड यांचे ‘तुला पाहता’ चित्रपटातून कमबॅक; तीन पिढ्यांची भावस्पर्शी कथा प्रेक्षकांसमोर

गेल्या तीन महिन्यांपूर्वीच रोहनच्या घरी जुळ्या बाळांचं आगमन झालं. रोहनला एक गोड मुलगा आणि एक मुलगी अशी दोन जुळी बाळं झाली. तब्बल तीन महिन्यांनी अभिनेत्याने मुलांची नावं सोशल मीडियावर शेअर केली आहेत. रोहन लिहितो की, 3 Months / 2 Souls / 1 Family.

 

See more

आद्या स्नेहल रोहन गुजर !
अद्वय स्नेहल रोहन गुजर !
असं कॅप्शन देत त्य़ाने दोन्ही मुलांच्या हाताचा फोटो सोशल मीडियावर शेअर केला आहे. रोहनच्या या पोस्टवर चाहते आणि कलाकारांनी देखील शुभेच्छांचा वर्षाव केला आहे. अभिनेत्री नंदिता धुरी, स्वरदा ढिगळे, साक्षी गांधी तसंच अभिजीत केळकर, अमोल पाटील, पल्लवी पाटील आणि आकांक्षा गाडे यांनी देखील शुभेच्छा दिल्या आहेत.

रोहनच्या आतापर्यंतच्या कामाबाबत सांगायचं तर त्याने, नाटक मालिका आणि सिनेमातून त्याने अभिनयाची छाप पाडली. होणार सून मी ह्या घरची मालिकेव्यतिरिक्त त्याने बन मस्का, एकाच ह्य़ा जन्मी जणू, लव्ह लग्न लोचा या मालिकांतून घराघरात पोहोचला. रोहन सध्या आमने सामने या नाटकातून देखील रसिक प्रेक्षकांचं मनोरंजन करत आहे.

“माझ्या मुलाला मासिक पाळीबद्दल…”, अभिनेत्री गिरिजा ओकचे संस्कार! तिच्या १२ वर्षांच्या लेकाचा किस्सा वाचून तुम्हीही कराल कौतुक