ज्येष्ठ अभिनेते अशोक सराफ यांना “नटसम्राट बालगंधर्व जीवन गौरव पुरस्कार” जाहीर

साईदिशा प्रतिष्ठान व इंडियाज टॅलेंट सम्मान फाऊंडेशन (आयटीएसएफ) या संस्थेच्यावतीने यंदाचा "नटसम्राट बालगंधर्व जीवन गौरव पुरस्कार" ज्येष्ठ अभिनेते अशोक सराफ याना जाहीर झाला आहे.

साईदिशा प्रतिष्ठान व इंडियाज टॅलेंट सम्मान फाऊंडेशन (आयटीएसएफ) या संस्थेच्यावतीने यंदाचा “नटसम्राट बालगंधर्व जीवन गौरव पुरस्कार” ज्येष्ठ अभिनेते अशोक सराफ याना जाहीर झाला आहे. अभिनेते सयाजी शिंदे, गायक शंकर महादेवन, गायिका वैशाली सामंत याना नटसम्राट बालगंधर्व गौरव पुरस्कार तर गायिका पिहू शर्मा आणि गायक अंगद राज यांना नटसम्राट बालगंधर्व रायझिंग स्टार अवॉर्ड पुरस्काराने सन्मानित करण्यात येणार आहे.

“लग जा गले की फीर ये…” आदिती राव आणि सिद्धार्थचं रोमँटिक फोटोशूट

बालगंधर्व स्मारक समितीचे संस्थापक- खजिनदार आणि साईदिशा प्रतिष्ठानचे संस्थापक अध्यक्ष समाजसेवक दत्तात्रय बाळकृष्ण माने व इंडियाज टॅलेंट सम्मान फाऊंडेशन या संस्थेच्या माध्यमातुन सन २००० सालापासून सामाजिक, कला क्रिडा आणि सांस्कृतीक क्षेत्रात कार्यरत आहेत. संस्थेमार्फत सामाजिक, कला-क्रीडा, सांस्कृतिक, वैद्यकीय, औ‌द्योगिक, शैक्षणिक, सहकार, राजकीय क्षेत्रात उल्लेखनीय कामगिरी केलेल्या व करु पाहणाऱ्या व्यक्तींना / संस्थांना त्यांनी केलेल्या उत्कृष्ट कामगिरी बद्दल विविध पुरस्कार देऊन सन्मानित करून त्यांचा गौरव केला जातो. संस्थेच्या माध्यमातून नारायण श्रीपाद राजहंस (बालगंधर्व) यांच्या नावाने नाट्य व चित्रपट सृष्टीत उल्लेखनीय काम केलेल्या जेष्ठ व करू पाहणाऱ्या युवा कलाकारांना “नटसम्राट बालगंधर्व पुरस्कार” देऊन सन्मानित करण्यात येते. सन २०२४ चा पुरस्कार वितरण सोहळा शुक्रवार दि. २९ नोव्हेंबर रोजी सायंकाळी ५.०० वाजता मुकेश पटेल सभागृह, एनएमएसआयएस विद्यापीठ (मिठीबाई कॉलेज, विलेपार्ले वेस्ट, मुंबई) येथे संपन्न होत आहे. या कार्यक्रमाला केंद्रीय मंत्री नितीन गडकरी, सी. पी. राधाकृष्णन राज्यपाल, महाराष्ट्र राज्य, गायक सुरेश वाडकर हे प्रमुख पाहुणे म्हणून उपस्थित राहणार आहेत.

एकही पिक्चर नाही, तरीही शाहरूख खानचीच हवा; बिग बींना आणि सलमानला मागे टाकत झाला सर्वाधिक कर भरणारा सेलिब्रेटी

याच समारंभात अन्य पुरस्कारांचे वितरण करण्यात येत आहे. यामध्ये स्वप्नील बांदोडकर , सतीश प्रजापती (सँडी), संतोष लिंबोरे, रविकुमार सोलापुरे,श्रावणी किरण खोत यांना कला रत्न पुरस्कार तर ठाणे पोलीस आयुक्त आयपीएस आशुतोष डुंबरे यांना रणझुंजार पुरस्काराने सन्मानित करण्यात येणार आहे. कामगार आणि प्रशासन प्रधान सचिव आयएएस विनिता वैद सिंघल , सारथी इन्स्टिट्युट, पुणे व्यवस्थापकीय संचालक आयएएस अशोक काकडे , अतिरिक्त आयकर आयुक्त आयआरएस सुधाकर शिंदे, नवी मुंबई मनपा सहाय्यक आयुक्त सतीश जाधव यांना सेवारत्न पुरस्कार,महाराष्ट्र राज्य टेबल टेनिस असोसिएशनचे अध्यक्ष प्रवीण एस. लुंकड यांना क्रीडा रत्न रतन पुरस्कार प्रदान करण्यात येईल.

“आई आणि बाबा रिटायर होत आहेत!”, स्टार प्रवाहवर प्रेक्षकांना नव्या मालिकेची मेजवानी

श्री असोसिएट्स इन्फ्राव्हेंचर्स प्रा. लि., डी.जी. बेल्हेकर इन्फ्रा प्रा. लि.चे मंगेश येंधे,आनंद डुंबरे, सोपान बेल्हेकर, डिनेरो डेव्हलपमेंट अँड इन्फ्रास्ट्रक्चर प्रा. लि.चे तुषार शिंदे, फॉरएव्हर केअर इंडिया प्रा. लिचे श्री. गुरु महाराणा एम.आर. मनीष सोनी यांना उद्योग रत्न पुरस्कार , शार्प इंडस्ट्रीजचे निलेश गोसालिया , प्रशांत चिवडशेट्टी यांना शिक्षण महर्षी पुरस्कार तर आचार्य – राजकुमार सिंग यांना वास्तु महर्षी पुरस्कार आणि आशा होमिओपॅथी चे डॉ. बी.एस. भोसले यांना धन्वंतरी धन्वंतरी रत्न पुरस्काराने सन्मानित करण्यात येणार आहे. या पुरस्कार सोहळयाप्रसंगी गायक स्वप्नील बांदोडकर आणि सुपरस्टार सिंगर ३ फेम गायिका पिहू शर्मा यांचा सेलिब्रेटी गेस्ट परफॉर्मन्स शो सादर होईल.