पहिल्यांदाच अशोक सराफ आणि निवेदिता सराफ दिसणार एकत्र, अशोक मा.मा. मालिकेत नवे वळण

अशोक मा.मा. मालिकेतून टेलिव्हिजनच्या इतिहासात पहिल्यांदाच अशोक सराफ आणि निवेदिता सराफ ही प्रसिद्ध जोडी छोट्या पडद्यावर एकत्र दिसणार आहे. या दोघांची केमिस्ट्री पाहण्यासाठी चाहते उत्सुक आहेत.

• अशोक सराफ आणि निवेदिता सराफ दिसणार एकत्र
• अशोक मा.मा. मालिकेत येणार नवे वळण
• अशोक मा.मा. आणि निवेदिता यांच्यामधील खुलणार नातं

दशकांपासून प्रेक्षकांनी अशोक सराफ आणि निवेदिता सराफ या सुपरहिट जोडीचं जादूई नातं मोठ्या पडद्यावर अनुभवले आहे. पडद्यावरील अप्रतिम टायमिंग, गोड केमिस्ट्री आणि भावनिक सादरीकरण हे मराठी चित्रपटसृष्टीसाठी नेहमीच खास ठरले आहे. आता ही आवडती जोडी लवकरच पहिल्यांदा छोट्या पडद्यावर एकत्र येत आहे. मराठी प्रेक्षकांसाठी ही एक अविस्मरणीय पर्वणी ठरणार आहे कारण पुन्हाएकदा त्यांच्या साजेश्या गोड आणि हृदयस्पर्शी नात्याची जादू रूपेरी पडद्यावरून थेट घराघरांत पोहोचणार आहे. या दोघांना पुन्हा एकत्र पाहण्यासाठी चाहते खूप उत्सुक आहेत.

Kamal Haasan Birthday: वयाच्या ५ व्या वर्षी जिंकला राष्ट्रीय पुरस्कार, एकाच चित्रपटातून साकारल्या १० भूमिका

अशोक सराफ आणि निवेदिता या दोघांनीही हसऱ्या केमिस्ट्रीपासून ते भावनिक प्रसंगांपर्यंत, या जोडीने प्रत्येक वेळेस हृदयाला भिडणारे क्षण दिले आहेत. आता त्यांचं हे सुंदर नातं पुन्हा एकदा ‘अशोक मा.मा.’ या मालिकेमधून छोट्या पडद्यावर खुलणार आहे. अभिनेत्री निवेदिता सराफ या मालिकेचा भाग होताना दिसणार आहे. आता त्यांच्या एन्ट्रीने नक्की मालिकेत काय घडणार? अशोक मा.मा. आणि निवेदिता यांच्यामधील नातं कसं खुलणार? हे पाहण्यासाठी प्रेक्षक उत्सुक आहेत. अशोक मा.मा. मालिकेतून संपूर्ण टेलिव्हिजनच्या इतिहासात पहिल्यांदाच अशोक सराफ आणि निवेदिता सराफ एकाच मालिकेत एकत्र येणार आहेत.

या मालिकेत निवेदिता ताई निवेदिता हि भूमिका साकारणार आहेत. त्यांच्या भूमिकेबद्दल सांगायचे झाले तर, त्या उत्साही, आत्मनिर्भर आणि अविवाहित स्त्रीची भूमिका करणार आहेत. त्या स्वतःचा ‘संस्कार वर्ग’ चालवतात. पण त्यांचा संस्कार वर्ग हा पारंपरिक चौकटीत बसलेला नाही. तो आहे दया,आत्मविश्वास आणि सर्जनशीलतेने भरलेला. त्या मुलांना कथा, कला आणि हास्याच्या माध्यमातून जीवनमूल्यं शिकवताना दिसणार आहेत. जेव्हा अशोक मा.मा. आपल्या नातवंडांना इरा आणि इशानला या वर्गात आणतात, तेव्हा त्यांना अपेक्षा असते एका शिस्तप्रिय, पारंपरिक शिक्षिकेची. पण समोर येते एक वेगळीच स्त्री आधुनिक विचारांची, पण मुळाशी असलेली. तिची मोकळी, हटके शिकवण्याची पद्धत मामांचे ठाम विचार हादरवून टाकते… आता हळूहळू दोघांमधील चकमकीतून यांचं नातं कोणतं वळण घेणार ? हे मालिकेतच दिसणार आहे.

Maharani 4 Review: ‘ही’ आहे सर्वात रहस्यमय आणि हृदयस्पर्शी राजकीय गोष्ट; हुमा कुरेशीने पाडली अभिनयाची छाप

निवेदिता सराफ याबद्दल म्हणाल्या, “मला खूप दिवसांपासून प्रेक्षक विचारात होते तुम्ही आणि अशोक सराफ एकत्र कधी काम करणार आहात. तर बऱ्याच दिवसांपासून माझी देखील इच्छा होती त्यांच्यासोबत काम करायची. मला खरंच खूप आवडतं त्यांच्याबरोबर काम करायला, माझे सर्वात आनंदाचे दिवस असतात जेव्हा मी त्यांच्यासोबत काम करते. खूपकाही शिकायला मिळतं. बऱ्याच वर्षांनी मला ही संधी मिळाली आहे, आता लवकरच अशोक मा.मा. या मालिकेत माझी एन्ट्री होणार आहे. यामधील खास गोष्ट म्हणजे छोट्या पडद्यावर आमची जोडी पहिल्यांदाच दिसणार आहे. मी खूप उत्सुक आहे, खात्री आहे तुम्हाला देखील आवडेल.”