(फोटो सौजन्य- इन्स्टाग्राम)
मराठी चित्रपट ‘उत्तर’ सध्या प्रेक्षकांच्या मनात खास स्थान निर्माण करत आहे. नातेसंबंध, भावना आणि आई-मुलांच्या अतूट नात्यावर भाष्य करणाऱ्या या चित्रपटाने पुण्यात एक आगळा-वेगळा आणि हृदयस्पर्शी प्रयोग घडवून आणला.
‘उत्तर’च्या टीमने पुण्यात तब्बल पंच्याहत्तर जेन झी मुलांना मल्टिप्लेक्समधील एका स्क्रीनमध्ये आणि त्यांच्या आयांना दुसऱ्या स्क्रीनमध्ये बसवून चित्रपट दाखवला. या अनोख्या प्रयोगादरम्यान दोन्ही स्क्रीनमध्ये हसू, अश्रू, शांतता, हुंदके अशा साऱ्या भावना अनुभवायला मिळाल्या. चित्रपट संपल्यानंतर भावनांनी भारावून गेलेल्या आयांना त्यांच्या मुलांनी कडकडून मिठी मारली आणि त्या क्षणाने संपूर्ण वातावरण भारावून टाकलं.
आजच्या टेक्नॉलॉजीप्रधान जगात आई-मुलांमधील संवाद कमी होत चालला आहे. अशा वेळी ‘उत्तर’ हा चित्रपट या नात्याला पुन्हा एकत्र आणणारा ठरत आहे, असं मत या प्रयोगाला उपस्थित असलेल्या सर्व आयांनी व्यक्त केलं. इतर पालकांनीही आपल्या मुलांसोबत हा चित्रपट आवर्जून पाहावा, अशी त्यांनी विनंती केली.
आईच्या मनातल्या भावना, तिची तगमग आणि न बोललेलं प्रेम अत्यंत संवेदनशीलपणे मांडणारा ‘उत्तर’ येणाऱ्या सुट्टीच्या दिवसांत कुटुंबासोबत पाहाण्यासारखा चित्रपट असल्याचं प्रेक्षकांनी सांगितलं.
दिग्दर्शक क्षितिज पटवर्धन म्हणतात, ” ‘उत्तर’ प्रेक्षकांच्या पसंतीला उतरतोय. दोन वेगवेगळ्या स्क्रीनवर चित्रपट दाखवण्याचं हे आयोजन संस्मरणीय ठरलं आहे, कारण या प्रयोगाने पंच्याहत्तर मुलं आणि त्यांच्या आयांना कायमस्वरूपी अधिक जवळ आणलं. सुट्टीच्या काळात जास्तीत जास्त पालक आपल्या मुलांसोबत हा पाहायला पाहायला जातील, असा मला पूर्ण विश्वास आहे.”
Neha Kakkar ने अश्लीलतेचा गाठला कळस, सोशल मीडियावर मीम्सचा पाऊस; म्हणतात ‘हिला आवरा आता कोणीतरी…’
झी स्टुडिओजचे उमेशकुमार बन्सल आणि बवेश जानवलेकर तसेच जॅकपॉट एंटरटेनमेंटचे मयूर हरदास आणि संपदा वाघ यांनी या चित्रपटाची निर्मिती केली आहे. या चित्रपटात रेणुका शहाणे, अभिनय बेर्डे, ऋता दुर्गुळे आणि निर्मिती सावंत यांच्या प्रमुख भूमिका आहेत, या शिवाय पहिल्यांदाच ‘अनमिस’नावाचं एक एआय पात्र सुद्धा यात झळकलं आहे. दिग्दर्शनासह क्षितिज पटवर्धन यांनी ‘उत्तर’ची कथा, पटकथाही लिहिली आहे.
.png "Videos"){kind=small}
