(फोटो सौजन्य - इन्स्टाग्राम)
लग्न म्हटलं की हळदी समारंभाचा जल्लोष, रंगांची उधळण, नृत्य आणि आनंदाचा उत्सव आणि या सगळ्या भावना एकवटून सादर करत ‘हळदीत माखले’ हे भन्नाट गाणं तयार करण्यात आले आहे. समीर तिवारी दिग्दर्शित ‘बाप्या’ या आगामी मराठी चित्रपटातील हे गाणं सध्या प्रेक्षकांच्या विशेष पसंतीस उतरत असून, लग्नसोहळ्यांमध्ये हमखास वाजणारं गाणं ठरण्याची चिन्हं दिसत आहेत.
गाण्याची सुरुवात होताच त्याचे जोशपूर्ण बीट्स आणि उत्साही वाईब प्रेक्षकांना अक्षरशः थिरकायला भाग पाडतात. हळदी समारंभातील मस्ती, नात्यांमधील आपुलकी आणि आनंदाचे क्षण यांचं रंगतदार चित्र या गाण्यातून उभं राहतं. अभय जोधपूरकर यांच्या खास आवाजामुळे गाण्याला वेगळीच उंची लाभली आहे. गीतकार शौनक नारळे (असर) यांनी शब्दांमधून हळदीच्या सोहळ्याचं सुंदर आणि जिवंत चित्र रेखाटलं आहे. तर अभिजीत चंद्रकला यांच्या जोशपूर्ण संगीतामुळे हे गाणं डान्सफ्लोरवर थिरकायला लावणारं बनलं आहे.
दिग्दर्शक समीर तिवारी यांनी या गाण्याविषयी बोलताना म्हणाले की, ‘हळदी समारंभ हा केवळ एक विधी नसून आनंद, मोकळेपणा आणि नात्यांमधील रंग भरून टाकणारा उत्सव असतो. ‘हळदीत माखले’ तयार करताना प्रत्येक क्षण जिवंत करण्याचा प्रयत्न केला असून, हे गाणं ऐकताना प्रेक्षकांना त्यांच्या स्वतःच्या लग्नाच्या आठवणींमध्ये हरवून जावंसं वाटेल, असा त्यांचा विश्वास आहे.’
तसेच ते पुढे म्हणाले की, ‘आजच्या लग्नसोहळ्यांमध्ये काहीतरी हटके आणि एंटरटेनिंग असण्याची अपेक्षा असते, आणि ‘हळदीत माखले’ हे गाणं त्या अपेक्षांना पूर्ण करणारे आहे. येत्या काळात प्रत्येक हळदी समारंभात हे गाणं वाजताना आणि लोक त्यावर मनसोक्त थिरकताना दिसतील, याची खात्री त्यांनी व्यक्त केली.’
मराठी वेबविश्वात पुन्हा गुंजणार ‘पौर्णिमेचा फेरा’; तिसरा सीझन लवकरच प्रेक्षकांच्या भेटीला
‘बाप्या’ या चित्रपटाची निर्मिती मुत्कल तिवारी आणि समीर तिवारी यांनी केली असून, हा चित्रपट १५ मे २०२६ रोजी प्रेक्षकांच्या भेटीस येणार आहे. लग्नसोहळ्यांमधील आनंद, रंगत आणि उत्साह यांचा सुरेख मिलाफ असलेलं ‘हळदीत माखले’ हे गाणं प्रेक्षकांना नक्कीच ठेका धरायला भाग पाडणार आहे. तसेच ‘बाप्या’ हा चित्रपट पाहण्यासाठी चाहते उत्सुक आहेत.
.png "Videos"){kind=small}
