(फोटो सौजन्य - इन्स्टाग्राम)
‘जय मल्हार’ या मालिकेतून महाराष्ट्राच्या घराघरात पोहोचलेले देवदत्त नागे या अभिनेत्याने प्रेक्षकांचं मन जिंकलं आहे. या भूमिकेमुळे त्याच्यावर ‘खंडोबा’चा खूप आशीर्वाद आहे, असं त्यांचे चाहते मानतात. आता अभिनेत्याने चाहत्यांसहा आनंदाची बातमी शेअर केली आहे. जे जाणून चाहते आता अभिनेत्याचं कौतुक करत आहेत. स्वतःच आपलं एक घर असावं हे प्रत्येकाचं स्वप्न असतं अनेक जण आपलं आयुष्यभर कष्ट करून हे स्वप्न पूर्ण करतात. आता याच यादीत मराठीतील लोकप्रिय अभिनेते देवदत्त नागे यांचं नाव जोडले गेले आहे. देवदत्त नागे लवकरच त्यांच्या हक्काचं घर बांधत आहे, हे घर इतर ठिकाणी नाही, तर थेट जेजुरीमध्ये खंडोबाच्या चरणी अभिनेता स्वतःच घर उभारणार आहे.
‘प्रेमानंद महाराज पाप धुण्याचे मशीन…’, सुपरस्टारच्या पोस्टमुळे उडाली खळबळ; भक्त संतापले!
खंडोबाच्या साक्षीने स्वप्नपूर्ती
अभिनेता देवदत्त नागेने त्याच्या स्वतःच्या इन्स्टाग्राम अकाउंटवर एक पोस्ट शेअर करत करून ही आनंदाची बातमी चाहत्यांना दिली आहे. अभिनेत्याने लिहिले की, “येळकोट येळकोट… जय मल्हार! श्री खंडेरायांच्या कृपेने, साक्षात श्री खंडेरायांच्या सान्निध्यात माझं स्वतःचं घर जेजुरीमध्ये… श्री खंडेरायाच्या चरणी माझी सेवा रुजू झाली हे माझे परम भाग्य.” या पोस्टसोबत त्याने भूमिपूजनाचा फोटोही शेअर केला आहे. या पूजनाला त्यांची बहीण आणि भावोजी उपस्थित होते. या बातमीमुळे त्यांचे चाहते खूप खूश आहेत आणि त्यांच्यावर अभिनंदनाचा वर्षाव करत आहेत.
ज्युनियर एनटीआरवर कोसळला दुःखाचा डोंगर; घरातील मोठ्या व्यक्तीचे झाले निधन
मराठीसोबतच हिंदीतही गाजतंय नाव
अभिनेता देवदत्त नागेने फक्त मराठीतच नाही, तर हिंदी आणि दाक्षिणात्य चित्रपटांमध्येही काम केलं आहे. तसेच नुकताच हा अभिनेता आता ‘स्टार प्रवाह’ वाहिनीवरील ‘उदे गं अंबे’ या मालिकेतही दिसला होता. आता जेजुरीत घर घेतल्यामुळे त्याला तिथे जास्त वेळ घालवता येईल, यामुळे अभिनेत्याचे खंडोबावरील प्रेम दिसून येते. तसेच देवदत्त नागे लवकरच नवनवीन चित्रपट घेऊन प्रेक्षकांच्या भेटीस येणार आहे
.png "Videos"){kind=small}
