नवीन वर्षात भरणार मराठी शाळा! ‘क्रांतिज्योती विद्यालय – मराठी माध्यम’ लवकरच येणार प्रेक्षकांच्या भेटीस

नवीन वर्षाला अनेक नवनवीन चित्रपट प्रेक्षकांच्या भेटीस येणार आहेत. अश्यातच आता ‘क्रांतिज्योती विद्यालय - मराठी माध्यम’ हा चित्रपट येत्या नवीन वर्षात प्रेक्षकांच्या भेटीस येत आहे.

• नवीन वर्षात भरणार मराठी शाळा
• ‘क्रांतिज्योती विद्यालय – मराठी माध्यम’ प्रेक्षकांच्या भेटीस
• ‘क्रांतिज्योती विद्यालय – मराठी माध्यम’ कधी होणार प्रदर्शित?

‘झिम्मा’, ‘झिम्मा २’ आणि ‘फसक्लास दाभाडे’च्या यशानंतर निर्माती क्षिती जोग आणि लेखक-दिग्दर्शक हेमंत ढोमे या लोकप्रिय जोडीच्या ‘क्रांतिज्योती विद्यालय – मराठी माध्यम’ या आगामी चित्रपटाची तारीख जाहीर झाली आहे. नुकतीच सोशल मीडियावर या चित्रपटाच्या प्रदर्शनाची तारीख घोषित करत व्हिडिओ शेअर करण्यात आला आहे. आता मराठी शाळा पुन्हा भरणार! असं म्हणत हा चित्रपट १ जानेवारी पासून प्रेक्षकांच्या भेटीला येणार आहे. या चित्रपटाची घोषणा आधीच करण्यात आली असून, चित्रपटाचे पहिले पोस्टर रिलीज झाले आहे.

‘या’ अभिनेत्याने शिक्षण सोडून जूनियर आर्टिस्ट म्हणून केली सुरुवात,भावासोबत काम केलेल्या अभिनेत्री सोबत केलं लग्न

मराठी शाळांची घटती संख्या, मातृभाषेतील शिक्षणाचे महत्त्व आणि मराठी भाषेबद्दलचा गर्व या विषयांचा मनोरंजक तरीही हृदयस्पर्शी पद्धतीने घेतलेला वेध म्हणजे ‘क्रांतिज्योती विद्यालय – मराठी माध्यम’. या चित्रपटात मराठी कलाकारांची दमदार फळी झळकणार आहे. मराठी चित्रपटसृष्टीतील दिग्गज अभिनेते सचिन खेडेकर, अमेय वाघ, सिद्धार्थ चांदेकर, क्षिती जोग, कादंबरी कदम, हरीश दुधाडे, पुष्कराज चिरपुटकर या सर्वांसोबत अभिनेत्री प्राजक्ता कोळी पहिल्यांदाच मराठी चित्रपटात पदार्पण करत आहे. या सगळ्यांना एकत्र पाहण्यासाठी चाहते खूप उत्सुक आहेत.

 

चित्रपटाचे लेखक आणि दिग्दर्शक हेमंत ढोमे यांनी केले आहे. या चित्रपटाबद्दल बोलताना ते म्हणाले, “या चित्रपटाचा विषय माझ्या अगदी मनाजवळचा आहे. आपल्या मराठी शाळा म्हणजे आपली ओळख. या शाळांमधूनच अनेक पिढ्या घडल्या, अनेक नामवंत मंडळी तयार झाली. पण आज मराठी शाळा कमी होत चालल्या आहेत आणि त्यांचं महत्त्व घटत चाललं आहे. ‘क्रांतिज्योती विद्यालय – मराठी माध्यम’ या चित्रपटातून आम्ही या विषयावर मनोरंजनाच्या माध्यमातून जनजागृती करण्याचा प्रयत्न केला आहे. नववर्षाच्या पहिल्याच दिवशी हा चित्रपट प्रेक्षकांच्या भेटीस येतोय याचा मला खूप आनंद आहे आणि माझ्या याआधीच्या चित्रपटांवर प्रेक्षकांनी जितकं प्रेम केलं तितकंच ते याही चित्रपटावर करतील याची खात्री आहे.”

लोकप्रिय ‘नटरंग’ नंतर तब्बल पंधरा वर्षांनी नवा तमाशापट, रवी जाधव यांचा ‘फुलवरा’ प्रेक्षकांच्या भेटीस

क्षिती जोग यांच्या चलचित्र मंडळी निर्मित ‘क्रांतिज्योती विद्यालय – मराठी माध्यम’ येत्या १ जानेवारी २०२६ पासून प्रेक्षकांच्या भेटीला येत आहे. या चित्रपटाची तगडी स्टारकास्ट पाहता प्रेक्षक या चित्रपटासाठी उत्सुक आहेत. तसेच या चित्रपटाची कथा काय असेल हे जाणून घेण्यासाठी ते आतुर आहेत. प्राजक्ता कोळी या चित्रपटाद्वारे पहिल्यांदाच मराठी चित्रपटसृष्टीत पदार्पण करणार आहे.