फोटो सौजन्य - Social Media
स्टार प्रवाह वाहिनेच्या मालिका चाहत्यांसाठी एक दुःखाची बातमी आहे. स्टार प्रवाहवर प्रसिद्ध होऊन राज्यभरातील प्रेक्षकांमध्ये नाव कमावणारी मालिका ‘लक्ष्मीच्या पावलांनी’ आता बंद होणार आहे, अशी शक्यता वर्तवण्यात आली आहे. अगदी काही दिवसांपूर्वीच मालिकेतील मुख्य पात्र सांभाळणाऱ्या इशा केसकरने या मालिकेतून Exit घेतली होती. त्या घटनेच्या काही आठवड्यातच मालिकाही आता निरोप घेण्याच्या उंबरठ्यावर दिसत आहे. पण याची काही अधिकृत माहिती अद्याप समोर आली नाही.
पुढील महिन्यात वाहिनेवर नवीन मालिका टेलिकास्ट होणार आहे. ‘वचन दिले तू मला’ या मालिकेच्या एन्ट्रीमुळे ‘लक्ष्मीच्या पावलांनी’ या मालिकेच्या वेळेवर परिणाम होईल की संपूर्ण मालिकेवरच परिणाम होईल? हे पाहणे महत्वाचे ठरणार आहे. दरम्यान, स्टार प्रवाहवर टेलिकास्ट होणाऱ्या नवीन मालिका ‘वचन दिले तू मला’ या मालिकेत ‘ऊर्जा’ आणि ‘शौर्य’ ही जोडी पाहायला मिळणार आहे. अभिनेत्री अनुष्का सरकटे आणि अभिनेता इंद्रनील कामत या मालिकेत मुख्य भूमिकेत दिसून येणार आहेत. तर अभिनेता मिलिंद गवळी खलनायकाच्या भूमिकेत दिसून येणार आहे.
काहीच दिवसांपूर्वी अभिनेत्री ईशा केसकरची मालिकेतून Exit…
अभिनेत्री ईशा केसकर ‘लक्ष्मीच्या पावलांनी’ या मालिकेतून बाहेर गेली असून आता मालिकाच प्रेक्षकांचा निरोप घेते काय? असा प्रश्न उपस्थित झाला आहे. दरम्यान, इशा केसकरच्या मालिकेतील Exit नंतर तिच्या काव्या या पात्राला मालिकेत ठार मारण्यात आले आहे आणि सुकन्या नावाच्या नव्या पात्राची Entry मालिकेत करण्यात आली होती.
‘या’ कारणामुळे इशाने सोडली मालिका…
सलग दोन वर्षे काम करत असताना, जूनमध्ये माझ्या डोळ्याला फोड आला होता. तरीही मी चित्रीकरण सुरूच ठेवले. पण दुखापत वाढत गेल्यामुळे डॉक्टरांनी काही दिवस पूर्ण विश्रांती घेण्याचा सल्ला दिला. आता विश्रांती घेतली नाही तर पुढे छोटीशी शस्त्रक्रिया करावी लागू शकते आणि त्यानंतर 15-20 दिवस सूर्यप्रकाशही पाहू शकणार नाही, असे त्यांनी सांगितले. परिस्थितीची गंभीरता लक्षात घेऊन मी मालिका सोडण्याचा निर्णय घेतला. सप्टेंबरमध्येच या निर्णयाची माहिती मी टीमला दिली होती, असे ईशा म्हणाली.
