‘कर्मयोगी आबासाहेब’मधून उलगडणार दिग्गज व्यक्तिमत्त्व, चित्रपटाचा ट्रेलर झाला लाँच!

मराठी चित्रपट 'कर्मयोगी आबासाहेब' लवकरच भेटीस येणार आहे. या चित्रपटामध्ये स्वर्गीय मा. गणपतराव देशमुख यांचे व्यक्तिमत्त्व उलगडणार आहे. या चित्रपटाचा नुकताच ट्रेलर देखील प्रदर्शित झाला आहे.

(फोटो सौजन्य- सोशल मीडिया)

Follow Us:

Follow Us:

राजकारणापेक्षा समाजकारणाला महत्त्व देणारे दमदार आमदार, राज्याचे कॅबिनेट मंत्री राहिलेल्या स्वर्गीय मा. गणपतराव देशमुख म्हणजेच ऊर्फ आबासाहेब यांच्या जीवनकार्याचा वेध “कर्मयोगी आबासाहेब” या चित्रपटातून घेतला जाणार आहे. या चित्रपटाचा धमाकेदार ट्रेलर लाँच करण्यात आला असून, २५ ऑक्टोबर रोजी मराठीसह हिंदी भाषेतही हा चित्रपट जगभरात प्रदर्शित होणार आहे.

मायका माऊली फिल्म प्रॉडक्शन आणि मुंबई क्रिएशन एंटरटेन्मेंटच्या मारुती तुळशीराम बनकर, बाळासाहेब महादेव एरंडे यांनी या चित्रपटाची निर्मिती केली आहे. अल्ताफ दादासाहेब शेख यांनी चित्रपटाचे लेखन, गीतलेखन आणि दिग्दर्शन केले आहे. मराठी संगीतकार अवधूत गुप्ते यांनी संगीत, कुमार डोंगरे यांनी छायांकन आणि संकलनाची जबाबदारी निभावली आहे. कुणाल गांजावाला, मनीष राजगिरे यांनी या चित्रपटातील अप्रतिम गाणी गायली आहेत.

चित्रपटात अनिकेत विश्वासराव, हार्दिक जोशी, देविका दफ्तरदार, पृथ्विक प्रताप, विजय पाटकर, प्रदीप वेलणकर, सुरेश विश्वकर्मा, अरबाज शेख, तानाजी गलगुंडे, घनश्याम दरोडे (छोटा पुढारी), अहमद देशमुख, वृंदा बाळ, निकिता सुखदेव, अली शेख, अल्ताफ दादासाहेब शेख सगळ्यांच्या या चित्रपटामध्ये मुख्यभुमिका आहेत. कार्यकारी निर्माता अमजद खान शेख हे असून प्रोडक्शन कंट्रोल सय्यद दादासो शेख यांनी काम पाहिले आहे.

हे देखील वाचा – Bigg Boss 18 : बिग बॉसने पलटली बाजी! अविनाश मिश्राला दिली मोठी पॉवर

राज्यात विधानसभा निवडणुकीचं वातावरण आता चांगलंच तापू लागलं आहे. निवडणुकीची आचारसंहिताही लागू झाली आहे. आता प्रचारात आरोप-प्रत्यारोपांच्या फैरी झडणार आहेत. मात्र, समाजाचा उद्धार, उन्नती करण्यासाठी मा. गणपतराव देशमुख यांच्यासारखे नेते विरळच… त्यामुळेच “कर्मयोगी आबासाहेब” या चित्रपटातून मा. गणपतराव देशमुख यांच्या हळव्या, कर्तव्यकठोर, कृतीशील, विचारी व्यक्तिमत्त्वाचा वेध घेण्यात आला आहे. अकरा वेळा आमदार म्हणून निवडून येताना त्यांनी केलेला संघर्ष, त्यातील राजकारण उलगडतानाच त्यांनी केलेला विकास, सुधारणा, शेतकरी, वंचित घटकांसाठीचं काम हे सगळं या चित्रपटातून प्रेक्षकांना दिसणार आहे. त्यामुळेच जनतेनं आबासाहेबांवर अलोट प्रेम केले. या सगळ्याच दर्शन “कर्मयोगी आबासाहेब” या चित्रपटातून घडणार आहे.

Web Title: Legendary personality to be revealed from karmayogi abasaheb movie trailer launched

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com