‘माझी बाय’ गाण्याला अल्पावधीतच प्रेक्षकांची पसंती; निक शिंदे-श्रद्धा पवार पाच वर्षांनी पुन्हा एकत्र

हा सिक्वल प्रेक्षकांसाठी संगीत आणि नृत्याचा खास अनुभव ठरत असून, आयुषची नवीन भूमिका सर्वत्र चर्चेचा विषय बनली आहे.

संगीतविश्वात ‘मिलीनीयर’ म्हणून ओळख असणाऱ्या प्रशांत नाकती यांच्या सुप्रसिद्ध गाण्याने 100 मिलीयन व्ह्यूजचा टप्पा पार केला होता. आता या गाण्याचा सिक्वल प्रेक्षकांच्या भेटीस आला आहे आणि अल्पावधीतच रसिकांनी त्याला भरभरून पसंती दिली आहे.या गाण्याची खास गोष्ट म्हणजे दिग्दर्शन आणि कोरियोग्राफी दोन्हीची जबाबदारी ‘बिग बॉस मराठी’ फेम आयुष संजीव यांनी सांभाळली आहे. बिग बॉस नंतर आयुष काय करणार याकडे साऱ्यांचे लक्ष लागले होते, आणि अखेर त्यांनी ‘माझी बाय’ या गाण्यातून नव्या भूमिकेत पदार्पण केले आहे.

निक शिंदे आणि श्रद्धा पवार या जोडीने पाच वर्षांनी ‘माझी बाय’ या गाण्यातील केमिस्ट्री पुन्हा एकदा प्रेक्षकांसमोर सादर केली आहे. हे गाणं सिंधुदुर्ग तळकोकणात शूट करण्यात आलं असून, गाण्यातील दृश्ये नयनरम्य आणि आकर्षक आहेत.

तरीही या सुंदर दृश्यांच्या मागे एक मोठा कठीण काळ होता. गाणं पहिल्यांदा शूट केल्यावर कार्ड करप्ट झाल्यामुळे सगळं चित्रीकरण वाया गेलं. त्यानंतर टीमने निर्णय घेत हे गाणं पुन्हा सेम लोकेशनवर शूट केलं.या संकटातून मार्ग काढत ‘माझी बाय’ची टीम आता भारताच्या टॉप ट्रेंडिंगमध्ये आहे. हे एकमेव मराठी गाणं आहे जे टॉप ३० मध्ये १५ व्या स्थानी ट्रेंड करत आहे आणि लवकरच टॉप १० मध्ये येण्याची शक्यता आहे.

माझी बाय’ गाण्याच्या संगीताची जबाबदारी संगीतकार प्रशांत नाकती यांनी सांभाळली आहे. प्रशांत नाकती यांची सगळीच गाणी मिलियन व्ह्यूजच्या घरात पोहोचली आहेत. आता ‘माझी बाय’ गाण्याचा सिक्वलही साऱ्यांना थिरकायला भाग पाडत आहे. या गाण्याला गायक केवल वळंज आणि गायिका सोनाली सोनावणेने त्यांच्या सुमधुर स्वरात स्वरबद्ध केलं आहे.

Anil Kapoor यांना ‘Dhurandhar 2’साठी मिळाली होती ऑफर, पण ‘या’ कारणामुळे दिला नकार, म्हणाले, ”मी खूप प्रोफेशनल…”

एकूणच या गाण्याबाबत बोलताना या गाण्याचा दिग्दर्शक आणि कोरियोग्राफर आयुष संजीव म्हणाला, “मराठीमध्ये हातावर मोजण्याइतकीच गाणी आहेत, ज्यांना मिलियन व्ह्यूज मिळाले आहेत. आणि अशा मिलियन व्ह्यूजचा टप्पा पार केलेल्या गाण्याच्या सिक्वलचा मी भाग आहे हे अर्थातच अभिमानस्पद आहे. ‘बिग बॉस’नंतर मी कुठे दिसणार असा प्रश्न माझ्या चाहत्यांना पडला होता. तर मी माझी बाय या गाण्याच्या दिग्दर्शनातून समोर आलो आहे. प्रशांत नाकतीने संगीत दिलेल्या या गाण्यात निक आणि श्रद्धा लीड आहेत. आणि त्यांना कोरियोग्राफ करताना, त्यांना डिरेक्शन देताना मलाही बरंच काही नव्याने शिकायला मिळालं. तर माझं हे गाणं तुम्ही नक्की पाहा”.

Phula Movie: ‘फुला’तून उलगडणार मुरळीची संघर्षमय कथा, चित्रपटाचे पोस्टर आणि म्युझिक लॉन्च सोहळा उत्साहात संपन्न