छोट्या पडद्यावरील अभिनेत्री झाली उद्योजिका! रेश्मा शिंदेने दाखवली नव्या ज्वेलरी शॉपची पहिली झलक!

अभिनेत्री रेश्मा शिंदेने अनेक मराठी मालिकेमध्ये काम केले आहे. तिच्या अभिनयाने प्रेक्षकांचे मन जिंकले आहे. तसेच अभिनेत्रीने प्रेक्षकांचे प्रेम देखील मिळवले आहे. याचदरम्यान आता अभिनेत्रीने अभिनयासह उद्योजक क्षेत्रात देखील पाऊल टाकले आहे. अभिनेत्रीने पुण्यात एक नवीन व्यवसाय सुरु केला आहे. रेश्माने व्हिडीओ शेअर करत या व्यवसायाची झलक शेअर केली आहे.

अभिनय क्षेत्रात आपल्या कलेसह अनेक कलाकारांनी गेल्या काही दिवसांत वैयक्तिक आयुष्यात नवनवीन व्यवसाय सुरू केल्याचे दिसले आहे. ज्यामध्ये महेश मांजरेकर, अनघा अतुल, हार्दिक जोशी, सई ताम्हणकर, प्रसाद लिमये, अक्षया देवधर यांसारख्या अनेक कलाकारांनी गेल्या काही वर्षांत हॉटेल, कपड्यांचे व्यवसाय सुरू केले आहे. आणि त्यांना या व्यवसायात यश देखील मिळाले आहे. या यादीत आता छोट्या पडद्यावरील महाराष्ट्राच्या लाडक्या अभिनेत्रीच्या नावाचा समावेश झाला आहे. ती म्हणजे रेश्मा शिंदे.

मराठी मालिका ‘रंग माझा वेगळा’, ‘घरोघरी मातीच्या चुली’ या मालिकांमधून अभिनेत्री रेश्मा शिंदे प्रेक्षकांच्या घरोघरी पोहचली. अभिनेत्री सोशल मीडियावर देखील जास्त सक्रिय असल्यामुळे तिचा चाहतावर्ग मोठ्या प्रमाणात आहे. आपल्या सहज सुंदर अभिनयाने रेश्मा नेहमीच सर्वांचं लक्ष वेधून घेत असते. आता सध्या ती आणखी एका गोष्टीमुळे चर्चेत आहे. ती गोष्ट म्हणजे रेश्माने आता व्यवसाय क्षेत्रात पदार्पण केले आहे. छोट्या पडद्यावरील ही अभिनेत्री आता उद्योजिका झाली आहे. यासंदर्भात रेश्माने स्वत: पोस्ट शेअर करत सर्वांना आनंदाची माहिती दिली आहे. याशिवाय तिने आपल्या नव्या व्यवसायाची झलक देखील सर्वांना दाखवली आहे.

 

See more

रेश्माने पालमोनास या ज्वेलरी ब्रँडबरोबर भागीदारी करून पुण्यात कोथरुड येते स्वत:चे ज्वेलरी शॉप उघडले आहे. याबाबत सोशल मीडियावर पोस्ट शेअर करून अभिनेत्रीने स्वतः ही बातमी चाहत्यांना सांगितली आहे. रेश्माने ज्वेलरी शॉपच्या ओपनिंगला पांढर्‍या रंगाचा ऑफ शोल्डर गाऊन घालून वेस्टर्न लूक केल्याचे या व्हिडिओमध्ये दिसून येत आहे. अभिनेत्री पोस्ट शेअर करता चाहत्यांचे आभार मानले आहेत तिने कॅप्शनमध्ये लिहिले की, “अभिनयाच्या प्रवासात तुम्ही माझ्यावर भरभरून प्रेम केलंत. आता एक नवीन प्रवास तुमच्या साक्षीने सुरू करते आहे. तुमचं प्रेम आणि आशीर्वाद कायम माझ्या पाठिशी असू दे. उद्योजिका म्हणून नवीन प्रवास सुरू करताना मला अतिशय आनंद होत आहे. मी पालमोनास या ब्रँडबरोबर पार्टनरशिप करून हा व्यवसाय सुरू केला आहे. तुम्ही सर्वांनी दिलेल्या प्रेमाबद्दल खूप खूप आभार” असे अभिनेत्रीने लिहिले आहे. ही पोस्ट पाहून अभिनेत्रीने चाहत्यांची पुन्हा एकदा मने जिंकली आहेत.

हे देखील वाचा- आलिया भट्ट भावाच्या सुरक्षेसाठी जीव धोक्यात घालणार, “जिगरा” चा ट्रेलर पाहून चाहते थक्क!

दरम्यान, रेश्मा शिंदेने या शेअर केलेल्या पोस्टवर नेटकऱ्यांनी कौतुकाचा वर्षाव सुरु केला आहे. चाहत्यांसह अभिनेत्रीला मराठी कलाकार देखील शुभेच्छा देताना दिसत आहेत. ज्यामध्ये श्रेया बुगडे, शिवानी बावकर, अभिज्ञा भावे, अनघा अतुल, ऋजुता देशमुख, अपूर्वा नेमळेकर, शिवानी सोनार, अश्विनी कासार यांसारख्या कलाकारांचा समावेश आहे.