(फोटो सौजन्य - इंस्टाग्राम)
काही दिवसांपूर्वी संस्कृतीच्या पहिल्या वहिल्या इंग्रजी चित्रपट “करेज” या सिनेमाचे सँटो डोम्निगो यूएसएला फिल्म फेस्टीवल मध्ये स्क्रिनिंग पार पडलं आणि या चित्रपटाने प्रेक्षकांना मोहित करून टाकलं हा चित्रपट प्रेक्षकांना खूप आवडला. आणि अभिनेत्री संस्कृती बालगुडेसह या चित्रपटातील सगळे कलाकार चर्चेत आले. या चित्रपटाद्वारे अभिनेत्री संस्कृती उत्तम कलाकार आहे हे तिने पुन्हा एकदा सिद्ध करून दाखवले आहे. तिच्या अभिनयाची भुरळ अगदी साता समुद्रापार पार प्रेक्षकांना पडली आहे आणि तिच्या कामाचं कौतुक देखील केले जात आहे.
वीर पहारियाची खिल्ली उडवणाऱ्या कॉमेडियन प्रणित मोरेला मारहाण, हल्ला करणाऱ्या 12 जणांवर गुन्हा दाखल!
विशेष म्हणजे संस्कृती ही पहिली मराठी अभिनेत्री आहे जिने सँटो डोम्निगो यूएसए फिल्म फेस्टीवल मध्ये भारताच प्रतिनिधित्व केलं आहे म्हणून हा फिल्म फेस्टीवल संस्कृतीसाठी अगदीच खास आहे. चाहत्यांना अभिनेत्रीचे काम खूपच आवडले आहे. आणि तिच्या चाहता वर्गात आणखी भर झाली आहे. या चित्रपटाची कथा आणि स्टारकास्ट खूपच अप्रतिम आहे. त्यामुळेच हा चित्रपट प्रेक्षकांना आवडला आहे आणि त्याचे भरभरून कौतुक केले जात आहे.
संस्कृतीचा या फिल्म फेस्टीवल बद्दलचा अनुभव सोशल मीडियावर शेअर करताना संस्कृती म्हणाली की, “करेज” या चित्रपटाला तुम्ही खूप प्रेम दिलं आणि हसऱ्या चेहऱ्याने आणि डोळ्यात आनंदाचे अश्रू आणून हा चित्रपट तुम्ही खास केलात आणि यासाठी मी कायम ऋणी राहणार आहे. हे जे काही घडलं ते खूप सुंदर आणि अनपेक्षित आहे म्हणून याचा आनंद आहे तुम्हाला आमची कलाकृती आवडली आणि तुम्ही ती आपलीशी केली. आभार मानावे तितके कमीच आहेत पण हा समृद्ध संपन्न करणारा अनुभव खूप कमालीचा आहे.” असे अभिनेत्रीने सांगितले आहे.
संस्कृती तिच्या अभिनयाची जादू आजवर सगळ्यांनी अनुभवली आहे पण तिच्या या इंग्रजी चित्रपटाने पुन्हा एकदा प्रेक्षकांना आपलंसं केलं आहे. जगभरात संस्कृतीच्या “करेज” या इंग्रजी चित्रपटाची चर्चा तर आहे पण येणाऱ्या काळात संस्कृती अनेक नवनवीन प्रोजेक्ट्स मध्ये दिसणार आहे हे बघण देखील तितकच उत्कंठावर्धक ठरणार आहे. अभिनेत्री लवकरच तिच्या नव्या चित्रपटांसह प्रेक्षकांचं मनोरंजन करण्यासाठी सज्ज होणार आहे.
.png "Videos"){kind=small}
