वीर पहारियाची खिल्ली उडवणाऱ्या कॉमेडियन प्रणित मोरेला मारहाण, हल्ला करणाऱ्या 12 जणांवर गुन्हा दाखल!

वीर पहारिया यांच्यावर विनोद करणाऱ्या प्रणित मोरेवर हल्ला केल्याप्रकरणी पोलिसांनी कारवाई १२ जणांविरुद्ध गुन्हा दाखल केला आहे. ज्या रेस्टॉरंटमध्ये ही घटना घडली त्या रेस्टॉरंटच्या मालकाच्या तक्रारीवरून गुन्हा दाखल केला आहे.

(फोटो सौजन्य - इंस्टाग्राम)

Follow Us:

Follow Us:

अलीकडेच महाराष्ट्रातील सोलापूर जिल्ह्यात, स्टँड-अप कॉमेडियन प्रणित मोरे यांनी ‘स्काय फोर्स’ अभिनेता वीर पहारिया विनोद केला, त्यानंतर काही लोकांनी त्यांना मारहाण देखील केली. या घटनेनंतर अभिनेत्याने इंस्टाग्रामवर एक स्टोरी शेअर करून माफीही मागितली. विनोदी कलाकारावर हल्ला केल्याच्या आरोपाखाली पोलिसांनी १० ते १२ जणांविरुद्ध गुन्हा दाखल केला आहे. माजी मुख्यमंत्री सुशील कुमार शिंदे यांचे नातू वीर वीर पहारिया हे नुकत्याच प्रदर्शित झालेल्या ‘स्काय फोर्स’ या ॲक्शन ड्रामा चित्रपटात दिसले आहेत.

ॲक्शन आणि हॉररचा मेगा डोस Ultra Jhakas OTT वर प्रेक्षकांना घरबसल्या मिळणार, पाहा यादी…

मोरे तक्रार दाखल करण्यासाठी आले नाहीत
या पोस्टनंतर सोलापूर पोलिसांनी मोरे यांना त्यांचे म्हणणे नोंदवण्यासाठी बोलावले होते पण ते आले नाहीत, असे एका अधिकाऱ्याने बुधवारी सांगितले. नंतर, ज्या रेस्टॉरंटमध्ये मोरे यांनी कार्यक्रम सादर केला होता त्या रेस्टॉरंटच्या मालकाच्या तक्रारीवरून पोलिसांनी गुन्हा दाखल केला आहे. तसेच पोलिसांनी 12 जणांवर गुन्हा दाखल केला आहे.

१० ते १२ जणांनि केला हल्ला
या प्रकरणातील पोलिस तक्रारीनुसार, रविवारी वीर पहारियाच्या शोनंतर प्रणित मोरे यांनी केलेल्या विनोदामुळे काही लोक संतापले. रागाच्या भरात १० ते १२ जणांनी विनोदी कलाकारावर हल्ला केला. या प्रकरणी कारवाई करत पोलिसांनी आता १० ते १२ जणांविरुद्ध गुन्हा दाखल केला आहे. आणि त्यांच्यावर कारवाई करण्यात आली आहे.

‘सनम तेरी कसम’ अभिनेत्री मावरा होकेनने केले लग्न; जीवनातील जोडीदाराचा फोटो शेअर करून केली नवी सुरुवात!

प्रणितने सोशल मीडियावर दिली माहिती
मोरे यांनी त्यांच्या सोशल मीडिया अकाउंटवर त्यांच्यावर झालेल्या कथित हल्ल्याची माहिती शेअर केली होती. त्याच्या इंस्टाग्राम अकाउंटवरील एका निवेदनात म्हटले आहे की, शोनंतर तो नेहमीप्रमाणे त्याच्या चाहत्यांसोबत सेल्फी घेत होता. गर्दी कमी झाल्यावर ११-१२ माणसे आली, त्यांनी स्वतःला त्याचे चाहते असल्याचा दावा केला पण ते त्याला मारण्याच्या उद्देशाने त्याच्या समोर आले होते. त्यांनी विनोदी कलाकाराला लाथा-बुक्क्यांनी मारहाण केली आणि जखमी केले. याची माहिती प्रणितने स्वतः सोशल मीडियावर शेअर केली आहे.

Web Title: 12 people booked for assaulting comedian over his jokes on sky force actor veer pahariya

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com