‘शालू झोका दे गो मैना’ लास्ट स्टॉप खांदा चित्रपटातील गाणं रिलीज, प्रभाकर मोरे यांच्यासह थिरकली धनश्री काडगावकर

“लास्ट स्टॉप खांदा…” प्रत्येकाच्या प्रेमाची गोष्ट या चित्रपटात संगीतमय प्रेमकहाणी पाहता येणार आहे. अतिशय रंजक पद्धतीनं या चित्रपटाची मांडणी करण्यात आली आहे. त्यामुळेच प्रभाकर मोरे यांचं “शालू झोका दे गो मैना” हे गाणं खास ठरणार आहे. श्रमेश बेटकर यांनी लिहिलेलं हे गाणं किशोर मोहिते यांनी संगीतबद्ध केलं आहे. तर आनंद शिंदे यांनी त्यांच्या सदाबहार आवाजात हे गाणं गायलं आहे. त्यामुळे आता केवळ प्रभाकर मोरेच नाही, तर अवघा महाराष्ट्र “शालू झोका दे गो मैना” म्हणत त्यावर थिकरणार आहे यात शंका नाही.

साया दाते दिग्दर्शित ‘टँगो मल्हार’चा ट्रेलर लाँच, चित्रपटातून उलगडणार एका रिक्षा चालकाचा प्रेरणादायी प्रवास

“लास्ट स्टॉप खांदा…” प्रत्येकाच्या प्रेमाची गोष्ट चित्रपटात अभिनेता श्रमेश बेटकर अभिनेत्री जुईली टेमकर, निखिल बने, मंदार मांडवकर, शशिकांत केरकर, सुदेश जाधव, महेश काप्रेकर , प्रियांका हांडे अशी तगडी स्टारकास्ट आहे. तर पाहुणे कलाकार म्हणून प्रभाकर मोरे, धनश्री काडगावकर, अशोक ढगे हे आपल्या भेटीस येणार आहेत. चित्रपटाचे छायांकन हरेश सावंत यांचे असून संकलन सुनील जाधव यांचे आहे तर कलादिग्दर्शक केशव ठाकुर आहेत. श्रेयस राज आंगणे, श्रमेश बेटकर लिखित गीतांना श्रेयस राज आंगणे आणि किशोर मोहिते यांचे संगीत लाभले आहे. नृत्यदिग्दर्शक राहुल बनसोडे आणि रवी आखाडे यांचे असून कार्यकारी निर्माता म्हणून विशाल खंदारे यांनी काम पाहिले आहे.

संबंधित बातम्या