हॉरर, सस्पेन्सने भरलेल्या ‘काजळमाया’ मालिकेतील चेटकिणीची मुख्य भूमिका साकारणार ‘ही’ अभिनेत्री

काजळमाया मालिकेतेतील प्रोमोमध्ये अक्षय केळकर सोबत दिसणार ती अभिनेत्री कोण असा प्रश्न चाहत्यांना पडला होता.आता त्या अभिनेत्रीचे नाव समोर आले आहे.

•  हॉरर, सस्पेन्सने भरलेली मालिका लवकरच प्रेक्षकांच्या भेटीला
• बीग बॉस मराठीचा विजेता मुख्य भूमिका साकारणार
• अभिनेत्री रूची जाईल साकारणार चेटकिणीची भूमिका 

स्टार प्रवाह वाहिनीवर लवकरच हॉरर, सस्पेन्सने भरलेली मालिका प्रेक्षकांच्या भेटीला येणार आहे.मालिकेचा प्रोमो प्रेक्षकांच्या भेटीला आला असून प्रोमो बघून प्रेक्षकांनी भरभरून प्रतिसाद दिला असून चॅनेलचं कौतुक केलं आहे. प्रोमोने प्रेक्षकांमध्ये एक वेगळीच उत्सुकता निर्माण केली होती. प्रोमोमध्ये दिसणारी सुंदरी नेमकी कोण आहे, असा प्रश्न अनेकांना पडला होता. आता प्रेक्षकांची ही प्रतीक्षा संपली असून त्या अभिनेत्रीचं नाव समोर आले आहे.

काजळमाया या मालिकेत अभिनेत्री रूची जाईल ही मालिकाविश्वात पदार्पण करत आहे. या मालिकेत रूची जाईल ही पर्णिका नावाच्या चेटकिणीची भूमिका साकारणार आहे. अभिनेत्री रूची जाईलची ही पहिलीवहिली मालिका आहे. या भूमिकेविषयी रूची म्हणाली, “काजळमाया’ ही माझी पहिलीवहिली मालिकाआहे; त्यामुळे मी अतिशय उत्सुक आहे. मला लहानपणापासूनच अभिनयाची आवड होती. अभिनेत्री होण्याचं माझं स्वप्न या मालिकेच्या निमित्तानं पूर्ण होत आहे.

झुबीन यांच्या पार्थिवाला मिठी मारून भावुक झाली पत्नी गरिमा, अंतिम श्रद्धांजली वाहण्यासाठी रस्त्यावर चाहत्यांची गर्दी

See more

‘बॅटल ऑफ गलवान’च्या सेटवर सलमान खान जखमी? थांबवले शूटिंग, ब्रेकनंतर परतणार अभिनेता

काजळमाया ही मालिका कोणत्या तारखेला रिलीज होणार याची अद्याप कोणतीही तारीख जाहीर करण्यात आली नाही. तसेच या सस्पेन्सने भरलेल्या मालिकेत कोणते कलाकार झळकणार आहेत हे पाहणे देखील महत्त्वाचे ठरणार आहे. बीग बॉस मराठीचा विजेता अक्षय केळकर या मालिकेतून प्रेक्षकांच्या भेटीला येणार आहे.तो प्रोफेसर आरुष वालावलकर हे पात्र साकारणार आहे, जो एक साधा, सरळ आणि कुटुंबावर प्रेम करणारा कवी मनाचा प्राध्यापक आहे. स्टार प्रवाह वाहिनीवर लवकरच सुरू होणारी ही मालिका प्रेक्षकांचे लक्ष वेधून घेईल, अशी अपेक्षा आहे.