Suraj Chavan Wedding : सूरजच्या लग्नाला येऊ शकली नाही ‘ही’ खास व्यक्ती; पोस्ट करत म्हणाली….

सूरज चव्हाणचा 29 नोव्हेंबरला लग्नसोहळा मोठ्या थाटात पार पडला पण या सगळ्यात सुरजची सर्वात जवळची व्यक्ती गैरहजर होती

बिग बॉस मराठी सीझन 5 चा विजेता सूरज चव्हाणचा 29 नोव्हेंबरला लग्नसोहळा मोठ्या थाटात पार पडला. पुण्यातील सासवड येथील माऊली गार्डन हॉलमध्ये त्याच्या लग्नसोहळ्याचे आयोजन करण्यात आले होते.या लग्नसोहळ्यासाठी अनेक लोकांनी हजेरी लावली होती. पण या सगळ्यात सुरजची सर्वात जवळची व्यक्ती गैरहजर होती. ‘कोकण हार्टेड गर्ल’ म्हणून ओळखली जाणारी अंकिता वालावलकर अलीकडेच भावाच्या—सूरजच्या लग्नाला गैरहजर राहिल्याने अनेकांची उत्सुकता वाढली होती. सूरजचं पहिलं केळवण मात्र अंकितानेच प्रेमाने केलं होतं आणि तेव्हाच तिने आपल्या भावाच्या लग्नाची पहिली झलक सर्वांसोबत शेअर केली होती. सूरजची पत्नी संजना नेमकी कोण आहे हे सुद्धा प्रेक्षकांनी अंकिताच्या व्हिडिओमधूनच पहिल्यांदा पाहिलं.

अंकिताने त्या वेळीच स्पष्ट केलं होतं की, ती सूरजच्या लग्नकार्यात उपस्थित राहू शकणार नाही, कारण आधीच ठरलेल्या नियोजनानुसार तिला नागपूरमध्ये एका दुसऱ्या लग्नाला उपस्थित राहणं आवश्यक होतं.अंकिता लग्नाला येऊ शकणार नाही याची कल्पना तिने आधीच सुरजला दिली होती. अंकिता आता काही दिवसांनी सूरज आणि संजना यांना भेटायला जाणार आहे.

जरी अंकिता प्रत्यक्ष उपस्थित राहू शकली नाही, तरीही तिच्या मनातल्या भावनांचा ओलावा सोशल मीडियावर दिसून आला.तिने सूरज आणि संजना या दोघांसाठी एक खास, गोड आणि भावूक पोस्ट शेअर करत मनापासून शुभेच्छा दिल्या.यामध्ये तिने यादोघांनाही खास सल्ला दिला आहे. सुरज आणि संजना यांच्या लग्नातील फोटो शेअर करत अंकिताने लिहिले, “प्रिय सूरज आणि संजना…आज तुम्ही एकत्र हातात हात घालून नव्या वाटेवर पाऊल ठेवत आहात. या वाटेवर कधी उजेड असेल, कधी अंधार, कधी सावल्या; पण एकमेकांचा आधार, माया आणि एकमेकांची सोबत असेल तर प्रत्येक अडचण सहज पार करता येते. जीवनात कितीही बदल झाले तरी एकमेकांसाठीचा आदर, आपुलकी आणि जिव्हाळा कायम ठेवा. छोट्या-छोट्या क्षणांत आनंद शोधा, एकमेकांच्या हसण्यात जग जिंका आणि एकमेकांच्या डोळ्यांतील विश्वास कधीही कमी होऊ देऊ नका. नांदा सौख्यभरे! तुमच्या नवविवाहित जीवनाला मन:पूर्वक, हार्दिक आणि मंगलमय शुभेच्छा! – अंकिता आणि कुणाल!”

Bigg Boss 19: ‘वीकेंड का वार’मध्ये ‘या’ कॉमेडियनची एंट्री होणार; घरात सुरू झाला भुताचा भयानक खेळ

सूरजचा हा लग्नसोहळा नव्हे तर एक ग्रँड इव्हेंट होता. सूरजची लग्नपत्रिका सोशल मीडियावर खूप व्हायरल झाली. त्यामुळे सूरजच्या लग्नासाठी संपूर्ण महाराष्ट्रभरातील चाहत्यांनी चांगलीच गर्दी केली होती. सूरजचा हा लग्नसोहळा ओपन टू ऑल झाला. सूरजची लोकप्रियता आणि लोकांमधील त्याची क्रेझ पाहून ही सिक्युरिटी पुरेशीही वाटत नव्हती. सूरजने जरी शिस्तीत लग्न करण्याचं ठरवलं असलं तरी लोकांच्या उसळलेल्या गर्दीमुळे त्याचे शांततेत लग्न पार पडले नाही.

69 वर्षांचा गायक, ज्याने सुरुवातीला 100 रुपये कमावले, आज कोटींचा मालक; इंडस्ट्रीला दिली अनेक हिट गाणी