सैफच्या सिक्योरिटीत मोठा बदल, सुरक्षेसाठी ‘या’ अभिनेत्याची फौज 24 तास देणारा पहारा?

अभिनेता सैफ अली खानवर त्याच्या राहत्या घरात हल्ला करण्यात आला होता. त्याच्यावर तब्बल 6 चाकूने वार झाले होते. दरम्यान, त्याला रुग्णालयातून डिस्चार्ज मिळाला आहे. पोलिसांच्या कडक सुरक्षेत त्याला त्याच्या घरी पोहोचलं आहे.

फोटो सौजन्य: सोशल मीडिया

Follow Us:

Follow Us:

अभिनेता सैफ अली खानवर त्याच्या राहत्या घरात हल्ला करण्यात आला होता. त्याच्यावर तब्बल 6 चाकूने वार झाले होते. दरम्यान, त्याला रुग्णालयातून डिस्चार्ज मिळाला आहे. पोलिसांच्या कडक सुरक्षेत त्याला त्याच्या घरी पोहोचलं आहे. मात्र घरात पाय ठेवताच त्याच्या सुरक्षेत मोठा बदल करण्यात आल्याचं म्हटलं जातंय. त्याला सुरक्षा देण्याची जबाबदारी आता नव्या सिक्योरिटी टीमला देण्यात आल्याची शक्यता व्यक्त केली जातेय. सैफच्या सुरक्षेसाठी ही टीम 24 तास पहारा देणार आहे.

 

View this post on Instagram

 

A post shared by Instant Bollywood (@instantbollywood)

मिळालेल्या माहितीनुसार आता सैफ अली खानच्या सुरक्षेची जबाबदारी आता अभिनेता रोनित रॉय याच्या एजन्सीकडे सोपवण्यात आली आहे. रोनित रॉयची सुरक्षा एजन्सी आता सैफ आली खानची 24 तास सुरक्षा करणार आहे. सैफ अली खान घरी पोहोचल्यानंतर त्याच्या घराच्या परिसरातील अनेक व्हिडीओ व्हायरल झाले आहेत. याच व्हायरल व्हिडीओंमध्ये अभिनेता रोनित रॉय वेगवेगळ्या सुरक्षा रक्षकांशी बोलताना दिसतोय. तसेच रोनित रॉय सैफच्या घराचीही पाहणी करताना दिसतोय. त्यामुळे रोनित रॉयच्या सुरक्षा पुरवणाऱ्या एजन्सीकडेच सैफ अली खान तसेच त्याच्या कुटुंबाच्या सुरक्षेची जबाबदारी देण्यात आल्याचे म्हटले जात आहे. एका व्हिडीओमध्ये रोनित रॉय माध्यम प्रतिनिधींशी बोलतानाद दिसतोय. तुम्हाला सैफ अली खानशी बोलायचं असेल तर कृपया थोडं मागे व्हा, असं रोनित माध्यम प्रतिनिधींना सांगताना दिसतोय.

रोनित रॉय एक सुक्योरिटी एजन्सी चालवतो. बॉलिवुडमधील अनेक दिग्गज सेलिब्रिटी तसेच अन्य क्षेत्रातील महत्त्वाच्या व्यक्तींना सुरक्षा देण्याचं काम त्याची ही सिक्योरिटी एजन्सी करते. असे असताना रोनित रॉय सैफच्या घराबाहेर दिसलेला आहे. त्यामुळेच रोनित रॉयच्या एजन्सीवर सैफ आणि त्याच्या कुटुंबीयांच्या सुरक्षेची जबाबदारी सोपवण्यात आल्याचे म्हटले जात आहे.

Web Title: Saif ali khan attack security changed now ronit roy security agency will give protection saif ali khan

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com