तेजश्री प्रधानसाठी सावनी रविंद्रचा आवाज (फोटो सौजन्य - इन्स्टाग्राम)
मालिकेच्या प्रोमोसह गाणेही भावले
मालिकेच्या समोर आलेल्या प्रोमोने तेजश्री व सुबोध यांच्या भूमिकेबाबतची उत्सुकता ही वाढवून ठेवली. याशिवाय मालिकेची लक्षणीय बाब म्हणजे मालिकेचे शीर्षक गीत. प्रत्येक मालिकेच्या शीर्षक गीतानं त्या मालिकेला साजेसं रूप आलेलं पाहायला मिळतं आणि हे शीर्षक गीत प्रेक्षकांच्या ओठांवर रेंगाळू लागतं.
अशातच ‘वीण दोघांतली ही तुटेना’ या मालिकेच्या शीर्षक गीताने रसिक प्रेक्षकांच्या मनाचा ठाव घेतला. हो हे गाणं राष्ट्रीय पुरस्कार विजेती गायिका सावनी रवींद्र आणि सुप्रसिद्ध गायक अभिजीत सावंत यांनी गायलं आहे. तर एव्ही प्रफुल्लचंद्र यांचे या गाण्याला संगीत आहे. आणि या गाण्याचे सुंदर असे बोल वैभव जोशी यांनी शब्दबद्ध केले आहेत.
तब्बल २० वर्षांनी गायक अभिजीत सावंतने केली ‘ही’ गोष्ट, म्हणाला ‘आयुष्यातील मोठी संधी…’
सावनीने तेजश्रीसाठी दिला १२ वर्षांनी आवाज
आजवर सावनीने अनेक मराठी मालिकांसाठी शीर्षक गीत गायली असून याशिवाय तिने अनेक गाणी गातही रसिक प्रेक्षकांना मंत्रमुग्ध केलं. सावनीने तेजश्रीसाठी १२ वर्षांपूर्वीही झी मराठी वाहिनीवरील ‘होणार सून मी या घरची’ या मालिकेसाठी गाणं गायलं होतं. तू मला मी तुला या गाण्याने लोकप्रियतेचा कळस गाठला होता. आता बारा वर्षांनी पुन्हा एकदा सावनी तेजश्रीसाठी ‘वीण दोघातंली ही तुटेना’ या मालिकेसाठी गायलेल्या गाण्यातून साऱ्यांचं मन जिंकतेय.
तेजश्रीचा आवाज म्हणजे सावनीचा आवाज हे एक समीकरणच झालेलं पाहायला मिळालं. आता हे समीकरण पुन्हा एकदा प्रेक्षकांच्या भेटीस आलं पुन्हा एकदा सावनी तेजश्रीच्या नव्या मालिकेच्या शीर्षक गीतातून साऱ्यांचं मन जिंकते.
सावनीने केल्या भावना व्यक्त
याबाबत बोलताना सावनी म्हणाली, “‘झी मराठी’ आणि माझं नातं फार जुनं आहे. झी मराठीच्या अनेक मालिकांसाठी मी बरेचदा गाणं गायल आहे पण ‘वीण दीघांतली ही तुटेना’ हे गाणं माझ्यासाठी खूप खास आहे. १२ वर्षांपूर्वी तेजश्री साठी गायलेलं गाणं ते आता पुन्हा एकदा तेजश्रीच्या नव्या मालिकेसाठी गाणं गाताना मला खूप आनंद होतोय. प्रत्येकवेळी माझ्या आवाजाची आणि तेजश्रीच्या अभिनयनाची आमची केमिस्ट्री जुळून आलेली पाहायला मिळाली. तेजश्रीच्या अभिनयाची तर मी चाहती आहे पण तिच्यासाठी पुन्हा एकदा गाणं गाताना मी खूपच भारावून गेले”.
.png "Videos"){kind=small}
