‘लाल सिंह चड्ढा’ ची टीम पोहोचली अमृतसरच्या सुवर्ण मंदिरात

बॉलिवूड (Bollywood) सिनेसृष्टीतील मिस्टर परफेक्शनिस्ट अभिनेता आमिर खान (Amir Khan) याचा आगामी ‘लाल सिंह चड्ढा'(Laal Singh Chaddha) हा चित्रपट ११ ऑगस्ट रोजी सर्वत्र प्रदर्शित होणार आहे. सध्या चांगल्या वाईट कारणाने या चित्रपटाची बरीच चर्चा रंगली असून या चित्रपटातील मुख्य कलाकार आमिर खान याने नुकतीच अमृतसर येथील सुवर्ण मंदिराला भेट दिली आहे. यावेळी आमिर खान सोबत चित्रपटातील अभिनेत्री करीना कपूर, मोना सिंह देखील दिसून आली.

लाल सिंह चड्ढा हा चित्रपट प्रदर्शनापूर्वी बुधवारी अमीर आपल्या चित्रपटाच्या टीम सोबत अमृतसरमधील सुवर्ण मंदिर येथे पोहोचला. आमिरने येथे प्रार्थंना देखील केली. यावेळी आमिर व्हाईट टी-शर्ट आणि ब्लॅक पँट अशा कॅज्युअल लूकमध्ये दिसला तर अभिनेत्री मोना सिंह ही पिंक कलरच्या ट्रेडिशनल कपड्यांमध्ये दिसून आली. याआधी देखील आमिरने सुवर्ण मंदिराला भेट दिली होती. त्यावेळी तो “लाल सिंह चड्ढा” या चित्रपटाचे शूटिंग करीत होता. त्यावेळी शूटिंगमधून थोडा वेळ काढत त्याने सुवर्ण मंदिरात दर्शन घेतले होते.

बऱ्याच काळानंतर आमिर मोठ्या पडल्यावर झळकणार असून मागील बराच काळ त्याने मोठ्या पडद्यावरून ब्रेक घेतला होता. आता तो लाल सिंह चड्ढा चित्रपटामधून कम-बॅक करत आहे. या चित्रपटाचा ट्रेलर काही दिवसांपूर्वी रिलीज करण्यात आला होता. हा चित्रपट फॉरेस्ट गंप या हॉलिवूड चित्रपटाचा रिमेक असणार आहे.

आमिर खान प्रोडक्शन्स, किरण राव, वायकॉम १८ स्टडियोज यांनी या चित्रपटाची निर्मिती केली आहे. आमिरच्या लाल सिंह चड्ढा आणि अक्षय कुमारच्या रक्षा बंधन या चित्रपटांची बॉक्स ऑफिसवर टक्कर होणार असून प्रेक्षक कोणत्या चित्रपटाला अधिक पसंती देणार हे पहाणं औसुक्याच ठरणार आहे.