सलमान खानसाठी दिवाळी ठरली Lucky! टायगर 3 ने बॅाक्स ऑफिसवर तिसऱ्या दिवशी कमावले ‘इतके’ कोटी !

अभिनेता सलमान खान (Salman Khan) आणि अभिनेत्री कतरिना कैफ (Katrina Kaif) आणि इमरान हाश्मी (Imran Hashmi) यांची मुख्य भुमिका असलेल्या टायगर 3 (Tiger 3) दिवाळीच्या मुहूर्तावर चित्रपटगृहांमध्ये प्रदर्शित झाला. या चित्रपटाबाबत प्रेक्षकांमध्ये कमालीचा उत्साह दिसून येत आहे. प्रेक्षक आणि समिक्षांकडून चित्रपटाचं कौतुक होत आहे. चित्रपटानं पहिल्या दिवशी 44 कोटींची कमाई केली तर, आता मंगळवारी म्हणजे टायगर 3 नं  तिसऱ्या दिवशी (Tiger 3 box office collection day 2) किती कमाई केली जाणून घ्या.

[read_also content=”पहिल्यांदाच सुब्रत रॉय यांचा जीवनपट मोठ्या पडद्यावर येणार, त्यांच्या बायोपिकची झाली आहे घोषणा! https://www.navarashtra.com/latest-news/subrat-roy-passes-away-biopic-on-subrat-roy-announced-by-kerala-stoty-director-susipto-sen-nrps-480984.html”]

‘टायगर 3’ हा सिनेमा 12 नोव्हेंबरला दिवाळीच्या शुभ मुहुर्तावर सिनेमागृहात प्रदर्शित झाला आहे. रिलीजच्या पहिल्या दिवसापासून हा सिनेमा बॉक्स ऑफिसवर दणदणीत कमाई करत आहे. सॅकनिल्क एंटरटेनमेंटच्या रिपोर्टनुसार, ‘टायगर 3’ या सिनेमाने रिलीजच्या पहिल्या दिवशी 44.5 कोटींची कमाई केली आहे. दुसऱ्या दिवशी 59 कोटी आणि तिसऱ्या दिवशी या सिनेमाने 42.50 कोटींची कमाई केली आहे. एकंदरीतच आतापर्यंत या सिनेमाने 146.00 कोटींचा गल्ला जमवला आहे.

कतरिनाने प्रेक्षकांचे मानले आभार

चित्रपटाला चांगला प्रतिसाद पाहून कतरिनाने मंगळवारी सोशल मीडियावर पोस्ट  लिहत, हार्ट इमोजी पोस्ट करत प्रेक्षकांचे आभार मानले. कतरिना म्हणाली, धन्यवाद आणि चित्रपटगृहात टायगर 3 पहा.