सचिव जी म्हणतात, “मी आयुष्मान खुरानाला किस केलंय…”; ‘पंचायत ४’मध्ये सान्विकाने किस करण्यास नकार दिल्यावर जितेंद्र कुमारचे विधान

फुलेरा गावचा सचिव अभिषेक कुमार त्रिपाठी आणि प्रधानजीची साधी सिंपल लेक रिंकी या दोघांचीही ऑनस्क्रिन लव्हस्टोरी खुलताना दाखवण्यात आलं आहे. सीरीजमध्ये सचिव आणि रिंकीचा किसिंग सीन आहे, त्या सीनसाठी रिंकीने नकार दिला होता.

सध्या सोशल मीडियासह सर्वत्र ‘ॲमेझॉन प्राईम व्हिडिओ’वरील ‘पंचायत ४’ वेबसीरीजची जोरदार चर्चा होत आहे. गेल्या काही दिवसांपूर्वीच रिलीज झालेल्या ह्या सीरीजने IMDB च्या टॉप यादीमध्ये बाजी मारली आहे. अवघ्या काही दिवसांमध्येच या वेबसीरीजने प्रेक्षकांच्या मनावर अधिराज्य गाजवले आहे. वेबसीरीजमधील सर्वच कलाकार कमालीचे चर्चेत राहिले आहेत. त्यापैकीच एक म्हणजे, सचिवजी आणि रिंकी… फुलेरा गावचा सचिव अभिषेक कुमार त्रिपाठी आणि प्रधानजीची साधी सिंपल लेक रिंकी या दोघांचीही ऑनस्क्रिन लव्हस्टोरी खुलताना दाखवण्यात आलं आहे. सीरीजमध्ये सचिव आणि रिंकीचा किसिंग सीन आहे, त्या सीनसाठी रिंकीने नकार दिला होता.

ओटीटीवर नव्या कंटेंटची मेजवानी, ॲमेझॉन एमएक्स प्लेयरकडून हटके कथानकाचा ट्रेलर रिलीज

वेबसीरीजमध्ये, सचिवजीची भूमिका अभिनेता जितेंद्र कुमारने साकारली आहे, तर रिंकीची भूमिका सान्विकाने साकारली आहे. अलीकडेच, शुटिंग दरम्यान सान्विकाने सह- कलाकार जितेंद्र कुमारसोबत किसिंग सीन करण्यासाठी नकार दिला होता, असा खुलासा मुलाखतीमध्ये केला आहे. अभिनेत्रीने किसिंग सीन न देण्याचा निर्णय दोन गोष्टींच्या आधारे घेतला होता. पहिला म्हणजे स्क्रीनवर किसिंग सीन करताना तिचा कम्फर्ट आणि दुसरा म्हणजे प्रेक्षकवर्ग. ही सीरिज प्रेक्षक कुटुंबासोबत बसून पाहतात, त्यामुळे किसिंग सीनला नकार देण्यामागचं तेही एक कारण होतं, असं ती म्हणाली.

लग्नाच्या ६ महिन्यानंतर अनुराग कश्यपच्या मुलीने दुसऱ्यांदा केले लग्न, घातला सासूचा ३० वर्षे जुना ड्रेस

एनडीटीव्हीला दिलेल्या मुलाखतीत सान्विकाने सांगितलं की, “जेव्हा दिग्दर्शकांनी सर्वांना वेबसीरीजचं कथानक सांगितलं त्यावेळी त्या सीनविषयी कोणीही काहीही म्हणाले नाही. पण नंतर दिग्दर्शक अक्षत विजयवर्गीय माझ्यासोबत बोलला. त्याने सांगितलं की, या सीझनमध्ये आम्ही सचिवजी आणि रिंकीच्या एका किसिंग सीनचा समावेश केला आहे. पूर्वी, तो सीन वेगळा होता. ते कारमध्ये एकत्र असतात आणि एकमेकांना किस करतात. मी यावर विचार करण्यासाठी दिग्दर्शकांकडे दोन दिवस मागितले. मला काळजी वाटत होती की, कारण पंचायतचे प्रेक्षक सर्व प्रकारचे आणि वयोगटातले आहेत.”

“बरीच कुटुंब ही सीरिज पाहतात आणि मीही कम्फर्टेबल नव्हते, म्हणून मी त्यावेळी तो सीन करण्यासाठी नकार दिला. आम्ही शूटिंग करत असताना त्यांनी तो सीन काढून टाकला आणि त्याऐवजी पाण्याच्या टाकीचा सीन घेतला.” असं सान्विका म्हणाली. सान्विकाच्या वक्तव्यावर जितेंद्र कुमारने स्पष्टीकरण दिलं आहे. एनडीटीव्हीला दिलेल्या मुलाखतीत जितेंद्र म्हणाला की, “मला वाटते की सान्विकाच्या वक्तव्याचा वेगळा अर्थ काढण्यात आला. कारण जेव्हा हा सीन करायचा असं ठरवलं तेव्हा मी निर्मात्यांना सांगितलं की आधी तिला विचारा. तो सीन करायला तिची संमती असणं सर्वात महत्त्वाचं आहे.”

इंग्लंडविरुद्ध भारताच्या विजयावर बिग बिंची प्रतिक्रिया, काही मिनिटांतच व्हायरल झाले ट्विट

“आम्हाला तो सीन विचित्र पण मजेदार बनवायचा होता ते किस करायला जातील आणि लाईट बंद होईल, पण शेवटी तो वेगळ्या पद्धतीने चित्रित करण्यात आला. जितेंद्रने स्क्रीनवर इंटिमेट सीन करण्यात तो कम्फर्टेबल असतो की नाही, त्याबाबत सांगितलं. “आयुष्मान खुरानाला मी ‘शुभ मंगल ज्यादा सावधान’चित्रपटामध्ये किस केलं होतं. मी याआधी स्क्रीनवर अभिनेत्रींबरोबर किसिंग सीन दिले आहेत. एक अभिनेता म्हणून, मी त्याबद्दल काहीच बंधनं घातली नाही. मग तो किसिंग सीन असो किंवा इतर कोणताही सीन. तो कथेसंबंधित असायला हवा. कथेत त्या सीनमुळे मजा यायला हवी, प्रेक्षक त्या दृश्याशी कनेक्ट व्हायला हवे.” असं मुलाखती दरम्यान जितेंद्रने सांगितलं.