गुरुवार, 30 जुलै 2026
ऑटोमोबाईल विश्वातील नवनवीन घडामोडी आणि आलिशान गाड्यांची नेहमीच उत्सुकता असते. यातच आता Ram कंपनीने आपली सर्वात पॉवरफुल '२०२७ राम १५०० रंबल बी' ही मस्क्युलर पिकअप ट्रक सीरिज सादर केली आहे. उत्कृष्ट डिझाइन, आधुनिक तंत्रज्ञान आणि अवाढव्य V8 इंजिनचा समावेश असणारी ही कार ऑटो विश्वात प्रचंड धुमाकूळ घालत आहे. चला तर मग, जाणून घेऊया या धडाकेबाज ट्रकचे फीचर्स, लूक आणि परफॉर्मन्सबद्दल सविस्तर माहिती!
अमेरिकन कार उत्पादक Ram कंपनीने आपली नवी '२०२७ राम १५०० रंबल बी' (Ram 1500 Rumble Bee) ही पॉवरफुल पिकअप ट्रक सीरिज सादर केली आहे. या सीरिजची सुरुवातीची किंमत $५९,९९५ (सुमारे ५० लाख रुपये) ठेवण्यात आली आहे.
या सीरिजमधील सर्वात प्रीमियम मॉडेल 'रंबल बी SRT' (Rumble Bee SRT) हे तब्बल ७७७ हॉर्सपॉवरची प्रचंड ताकद देते. कंपनीच्या मते, ही जगातली सर्वात पॉवरफुल आणि वेगाने धावणारी V8 इंजिन असलेली उत्पादन-स्तरीय पिकअप ट्रक आहे.
हा ट्रक केवळ ताकदीच्या बाबतीतच नाही तर वेगाच्या बाबतीतही अव्वल आहे. ही कार ० ते ६० मैल प्रतितास वेग फक्त ३.४ सेकंदात गाठू शकते आणि तिचा ताशी कमाल वेग १७० मैल इतका आहे.
कारच्या डिझाइनचा विचार केल्यास, यात शॉट व्हीलबेस आणि रुंद (वाइडबॉडी) लूक देण्यात आला आहे. कंपनीने या ट्रकची फ्रेम आधीच्या १५०० मॉडेलपेक्षा १० टक्क्यांनी अधिक दणकट केली आहे.
अतिशय आक्रमक आणि स्पोर्टी लूक असला तरीही या ट्रकमध्ये चार दरवाजे आणि मागे प्रवाशांसाठी पुरेशी जागा ठेवण्यात आली आहे. त्यामुळे दैनंदिन वापरासाठी ही एक अतिशय व्यावहारिक आणि सोयीस्कर ट्रक ठरते.
ट्रकच्या इंटीरियरमध्ये ग्राहकांना १४.५-इंचाची मोठी टचस्क्रीन इन्फोटेनमेंट सिस्टीम आणि १२.३-इंचाचा डिजिटल ड्रायव्हर डिस्प्ले मिळतो. स्पोर्टि अनुभवासाठी यामध्ये 'फ्लॅट-बॉटम' स्टिअरिंग व्हील आणि ॲल्युमिनियम पॅडल शिफ्टर्स दिले आहेत.
हा पिकअप ट्रक केवळ वेगासाठी नाही, तर वजनी कामे करण्यासाठीही सक्षम आहे. यामध्ये तब्बल ४,०३२ किलो वजन ओढण्याची क्षमता देण्यात आली आहे. या सीरिजमधील ५.७-लिटर इंजिन असलेले बेस व्हेरियंट २०२६ च्या शेवटी बाजारात येईल. तर अधिक पॉवरफुल ३९२ आणि प्रीमियम SRT व्हेरियंट्स २०२७ च्या सुरुवातीला लाँच केले जातील.
