रविवार, 13 सप्टेंबर 2026
Ajay Atul Family Photo: मराठी कलाविश्वातील प्रसिद्ध गायक जोडी म्हटलं की सर्वप्रथम नाव समोर येतं ते म्हणजे अजय-अतुल गोगावले. आपल्या दमदार संगीताने आणि सुरांनी या जोडीने रसिकांच्या मनात वेगळं स्थान निर्माण केलं आहे. नुकताच गायक अतुल गोगावले यांचा वाढदिवस उत्साहात साजरा करण्यात आला.
पूनम गोगावले यांनी शेअर केले अतुल गोगावले यांच्या वाढदिवसानिमित्त खास फोटो (फोटो सौजन्य- सोशल मीडिया)
अतुल गोगावले यांच्या वाढदिवसानिमित्त संपूर्ण गोगावले कुटुंब एकत्र आल्याचं पाहायला मिळालं. या खास सेलिब्रेशनचे फोटो सध्या सोशल मीडियावर व्हायरल होत आहेत.
पूनम गोगावले यांनी शेअर केलेल्या या फोटोंमध्ये संपूर्ण गोगावले कुटुंबाची झलक पाहायला मिळत आहे. अजय-अतुल यांची आई आणि कुटुंबातील इतर सदस्यही या खास क्षणी एकत्र दिसत आहेत.
या फोटोंमध्ये अजय गोगावले आणि अतुल गोगावलेंची पत्नी पूनम गोगावले यांचीही झलक पाहायला मिळत आहे
अतुल गोगावलेंच्या वाढदिवसानिमित्त घराची खास सजावट करण्यात आली होती. फुलांनी केलेली सुंदर सजावट आणि वाढदिवसाचा केक यामुळे सेलिब्रेशनला खास रंगत आली होती. फोटोंमध्ये गोगावले कुटुंबीय एकत्रितपणे आनंदाचा हा क्षण साजरा करताना दिसत आहेत.
दरम्यान, पूनम गोगावले यांनी शेअर केलेल्या या फोटोंवर चाहत्यांकडूनही प्रेमाचा वर्षाव होत आहे. अतुल गोगावलेंच्या वाढदिवसानिमित्त त्यांच्यावर शुभेच्छांचा वर्षाव करण्यात आला.
