उन्हाळा ऋतूला सुरुवात झाल्यानंतर बाजारात मोठ्या प्रमाणावर कच्च्या कैऱ्या उपलब्ध होतात. कैरी खाल्ल्यामुळे शरीराला भरमसाट फायदे होतात. आंबटगोड चवीची कैरी पाहिल्यानंतर सगळ्यांच्या तोंडाला पाणी सुटते. कच्च्या कैरीपासून अनेक वेगवेगळे पदार्थ बनवले जातात. यामध्ये विटामिन सी, फायबर आणि अँटी-ऑक्सिडंट्स इत्यादी अनेक घटक आढळून येतात. उन्हाळ्याच्या दिवसांमध्ये शरीरात निर्माण झालेली पाण्याची कमतरता भरून काढण्यासाठी कैरीचा रस किंवा पन्ह बनवून प्यायले जाते. आंबटगोड चवीचा थंड कैरीचा रस प्यायल्यास उष्माघाताच्या त्रासापासून कायमची सुटका मिळते. चला तर जाणून घेऊया कच्ची कैरी खाण्याचे फायदे. (फोटो सौजन्य – istock)
आंबटगोड चवीची कच्ची कैरी खाल्ल्यास शरीराला होतील भरमसाट फायदे, जुनाट आजारांपासून मिळेल कायमची सुटका
पोटाच्या आजारांसाठी कच्ची कैरी अतिशय प्रभावी ठरते. यामध्ये असलेल्या फायबरमुळे पचनक्रिया सुधारते आणि बद्धकोष्ठता, गॅसच्या त्रासापासून कायमची सुटका मिळते.
कच्ची कैरी चघळल्यामुळे हिरड्यांमधून रक्त येणे, तोंडाची दुर्गंधी इत्यादी सर्वच समस्यांपासून सुटका मिळते आणि आरोग्य सुधारते. तोंडाला वारंवार येणाऱ्या दुर्गंधीपासून सुटका मिळवण्यासाठी कच्ची कैरी खावी.
विटामिन सी युक्त कैरीचे सेवन केल्यामुळे शरीराची कमकुवत झालेली रोगप्रतिकारशक्ती सुधारण्यास मदत होते. हंगामी आजार आणि संसर्ग टाळण्यासाठी कच्ची कैरी खावी.
पिकलेल्या आंब्याच्या तुलनेमध्ये कच्च्या कैरीमध्ये कमी प्रमाणात कॅलरीज आणि साखर असते. त्यामुळे मीठ मसाला टाकून बनवलेली कैरी तुम्ही खाऊ शकता.
कच्च्या कैरीपासून अनेक वेगवेगळे पदार्थ बनवले जातात. जेवणात तोंडी लावण्यासाठी कैरीचे लोणचं, कैरीची चटणी किंवा मुरंबा अतिशय आवडीने खाल्ला जातो.
