सोमवार, 9 नोव्हेंबर 2026
शरीरात वाढलेल्या युरिक अ‍ॅसिडमुळे संधिवात, हाडांमध्ये गाऊट जमा होणे, बोटांमध्ये वेदना वाढणे इत्यादी अनेक समस्या उद्भवू लागतात. रोजच्या आहारात प्युरीन युक्त पदार्थांचे जास्त सेवन केल्यामुळे सांध्यांमध्ये किंवा शरीराच्या हाडांमध्ये युरिक अ‍ॅसिड वाढू लागते. खाण्यापिण्याच्या चुकीच्या सवयींमुळे किंवा चुकीच्या जीवनशैलीमुळे शरीरात युरिक अ‍ॅसिडची पातळी वाढू लागते. म्हणूनच आज आम्ही तुम्हाला शरीरात वाढलेले युरिक अ‍ॅसिड कमी करण्यासाठी नियमित कोणत्या पेयांचे सेवन करावे, याबद्दल सविस्तर माहिती सांगणार आहोत. या पेयांच्या सेवनामुळे केवळ युरिक अ‍ॅसिडच नाहीतर शरीरात वाढलेला मधुमेह आणि रक्तदाब सुद्धा नियंत्रणात राहील. (फोटो सौजन्य – istock)
शरीराच्या कानाकोपऱ्यात अडकून राहिलेले Uric acid बाहेर काढून टाकण्यासाठी नियमित करा 'या' पेयांचे सेवन
युरिक अ‍ॅसिड वाढल्यानंतर नियमित बीट, गाजर आणि काकडीचे मिश्रण तयार करून बनवलेल्या पेयाचे सेवन करावे. या पेयाच्या सेवनामुळे शरीरात वाढलेले युरिक अ‍ॅसिड कमी होईल, यासोबतच विषारी घटक सुद्धा बाहेर पडून जातील.
सकाळी उठल्यानंतर रिकाम्या पोटी दुधी भोपळ्याच्या रसाचे सेवन करावे. दुधी भोपळ्याचा रस शरीरासाठी अतिशय गुणकारी आहे. यामध्ये फायबर आणि पोटॅशियम इत्यादी आवश्यक घटक आढळून येतात.
विटामिन सी युक्त लिंबू पाण्याचे सेवन केल्यास शरीरातील सर्वच आजारांपासून सुटका होईल. युरिक अ‍ॅसिड वाढल्यास हातापायांच्या बोटांमध्ये जळजळ किंवा वेदना होत असतील तर लिंबू पाणी प्यावे.
दीर्घकाळ निरोगी आणि हेल्दी राहण्यासाठी सफरचंद खाण्याचा सल्ला दिला जातो. नियमित एक सफरचंद किंवा सफरचंदचा रस प्यायल्यामुळे संधिवाताची लक्षणे कमी होऊन जातात.
शरीरात साचून राहिलेले विषारी घटक आणि सांध्यांमधील युरिक अ‍ॅसिडचे क्रिस्टल बाहेर काढून टाकण्यासाठी काकडीचा रस प्यावा. काकडी शरीर हायड्रेट ठेवते.
