सोमवार, 9 नोव्हेंबर 2026
खासगी बसचे प्रवासाचे दर वाढले (फोटो- ai gemini)
दिवाळीसोबतच उत्तर भारतात मोठ्या उत्साहात साजऱ्या होणाऱ्या छठपूजेसाठी उत्तर भारताकडे जाणाऱ्या प्रवाशांची संख्या लक्षणीय आहे. विशेषतः पुणे-दानापूर, पुणे-गोरखपूर आणि पुणे-अहमदाबाद या मार्गांवरील नियमित गाड्यांमध्ये वेटिंग लिस्ट वाढल्याने प्रवाशांची संपूर्ण भिस्त विशेष गाड्यांवर अवलंबून आहे. रेल्वे प्रशासनाने या गर्दीचे निवारण करण्यासाठी एकूण ४६८ विशेष फेऱ्यांचे नियोजन केले आहे. मध्य रेल्वेने पुणे स्थानकावरील ताण कमी करण्यासाठी यातील ९० हून अधिक विशेष फेऱ्या हडपसर आणि खडकी या उपनगरीय स्थानकांवरून सोडण्याची व्यवस्था केली आहे.
लातूरमध्ये मध्यरात्री धावत्या ट्रॅव्हल्सला भीषण आग; चालकाच्या प्रसंगावधानामुळे 35 प्रवासी बचावले
लांब पल्ल्याच्या आणि तातडीच्या प्रवासासाठी विमानाचा पर्याय निवडणाऱ्या प्रवाशांची संख्याही यंदा विक्रमी नोंदवली जात आहे. पुणे आंतरराष्ट्रीय विमानतळावरून सध्या दिल्ली मार्गावर सर्वाधिक विमानफेऱ्या होत आहेत. नव्या टर्मिनलच्या धर्तीवर प्रवासी हाताळणी क्षमता वाढल्याने विमानतळ प्रशासनाने गर्दीच्या काळात प्रवाशांची धावपळ व गैरसोय टाळण्यासाठी विशेष खबरदारी घेतली आहे. प्रवाशांचा वेळ वाचवण्यासाठी चेक-इन काउंटर्सची संख्या वाढवण्यात आली आहे.
एसटीच्या १२०० हून अधिक अतिरिक्त गाड्या
एसटी महामंडळानेही सणाच्या पार्श्वभूमीवर कंबर कसली असून १२०० हून अधिक जादा साध्या व वातानुकूलित बस गाड्या रस्त्यावर उतरवल्या आहेत. पश्चिम महाराष्ट्रातील सोलापूर, कोल्हापूर, पंढरपूर, तुळजापूर या भागांत जाणाऱ्या प्रवाशांची स्वारगेट बस स्थानकावर अलोट गर्दी पाहायला मिळत आहे. तर दुसरीकडे, मराठवाडा आणि विदर्भातील बीड, छत्रपती संभाजीनगर, जालना, अमरावती आणि नागपूर या मार्गांवर जाणाऱ्या प्रवाशांसाठी वाकडेवाडी (शिवाजीनगर) स्थानक मुख्य केंद्र बनले आहे.
Ans: १२०० हून अधिक जादा साध्या व वातानुकूलित बस गाड्या महामंडळाने सोडल्या आहेत.
Ans: पुणे एअरपोर्टवर दिवाळीनिमित प्रवाशांचा वेळ वाचवण्यासाठी चेक-इन काउंटर्सची संख्या वाढवण्यात आली आहे.
