शरीरात साचून राहिलेली घाण नैसर्गिकरित्या होईल स्वच्छ! फॅटी लिव्हरच्या समस्येपासून आराम मिळवण्यासाठी ‘या’ पेयांचे करा सेवन

बीट आणि गाजराचा रस नियमित प्यायल्यास शरीर स्वच्छ होईल आणि शरीरात साचून राहिलेली घाण बाहेर पडून जाईल. लिव्हरचे कार्य सुधारण्यासाठी बीटचा रस प्रभावी ठरतो.

हळदीच्या दुधाचे सेवन केल्यामुळे शरीराला अनेक फायदे होतात. यामध्ये असलेलं कर्क्युमिन लिव्हरमधील जळजळ कमी करून फॅटी लिव्हरपासून आराम मिळवून देण्यासाठी प्रभावी ठरतात.

कोरफडचा रस नियमित प्यायल्यास लिव्हरमध्ये साचून राहिलेले विषारी घटक बाहेर पडून जातात आणि लिव्हरचे कार्य सुधारते. कोरफडचा रस त्वचेसाठी सुद्धा अतिशय गुणकारी आहे.

उन्हाळ्याच्या दिवसांमध्ये नियमित लिंबू पाणी प्यावे. यामध्ये असलेले विटामिन सी आरोग्यासह त्वचेसाठी सुद्धा प्रभावी ठरते. शरीरात साचलेले विषारी घटक बाहेर काढून टाकण्यासाठी लिंबू पाणी मदत करते.

लिव्हरमध्ये होणारी जळजळ कमी करण्यासाठी ग्रीन टी चे सेवन करावे. यामध्ये असलेले अँटीऑक्सिडंट्स फॅटी लिव्हरच्या समस्येपासून आराम मिळवून देण्यास मदत करतात.