वय वाढल्यानंतर हळूहळू शरीरात अनेक बदल होऊ लागतात. या बदलांकडे गांभीर्याने लक्ष देणे आवश्यक आहे. बऱ्याचदा कामाच्या धावपळीमुळे आरोग्याकडे व्यवस्थित लक्ष दिले जात नाही. त्यामुळे तरुण वयातच हातपाय दुखणे, अंग दुखणे, कंबर दुखणे इत्यादी अनेक समस्या उद्भवू लागतात. शरीराची कमकुवत झालेली रोगप्रतिकारशक्ती सुधारण्यासाठी अनेक वेगवेगळ्या सप्लिमेंटचे सेवन केले जाते. पण तरीसुद्धा शरीरात कोणताच बदल दिसून येत नाही. म्हणूनच आज आम्ही तुम्हाला दीर्घकाळ निरोगी राहण्यासाठी नियमित कोणत्या पदार्थांचे सेवन करावे, याबद्दल सविस्तर माहिती सांगणार आहोत. या पदार्थांच्या सेवनामुळे शरीराला भरपूर पोषण मिळेल. (फोटो सौजन्य – istock)
रोगप्रतिकारशक्ती सुधारण्यासाठी आहारात करा 'या' सुका मेव्याचे सेवन
लहान मुलांपासून अगदी मोठ्यांपर्यंत प्रत्येकाला बदाम खाण्यास दिले जातात. भिजवलेल्या बदामाचे पाणी नियमित प्यायल्यास रोगप्रतिकारशक्ती सुधारते आणि शरीराला अनेक फायदे होतात.
अक्रोडमध्ये ओमेगा-३ फॅटी ऍसिड भरपूर प्रमाणात असते, ज्यामुळे शरीरात वाढलेली जळजळ आणि दाह कमी होतो. नियमित दोन किंवा तीन भिजवलेले अक्रोड आणि त्याचे पाणी प्यावे.
मनुक्यांमध्ये लोह आणि विटामिन सी असते. पोषक घटकांनी समृद्ध असलेल्या मनुक्यांचे नियमित सेवन केल्यास रक्ताची कमतरता भरून निघेल आणि शरीरातील हाडे कायमच मजबूत राहतील.
अंजीरमध्ये फायबर, पोटॅशियम आणि अनेक महत्त्वाचे जीवनसत्त्वे असतात. यामध्ये असलेल्या फायबरमुळे आतड्यांमधील हालचाल सुलभ राहते आणि पचनाच्या कोणत्याही समस्या उद्भवत नाही.
मनुका, मोठे काळे मनुके इत्यादींमध्ये अँटीऑक्सिडंट्स आढळून येतात. ज्यामुळे शरीरातील विषारी घटक बाहेर पडून जाण्यासोबतच रक्त शुद्ध होते.
