भारतासह इतर सर्वच देशांमध्ये मॅचा बोबा चहा प्रसिद्ध आहे. या चहाचे सेवन केल्यामुळे आरोग्याला अनेक फायदे होतात. माचा, चॉकलेट, आंबा, स्ट्रॉबेरी, तारो आणि कारमेल इत्यादी अनेक फ्लेवर्समध्ये हा चहा उपलब्ध आहे. सकाळच्या वेळी दुधाचा चहा पिण्याऐवजी मॅचा बोबा चहाचे सेवन करावे. हा चहा बनवण्यासाठी फुल क्रीमी मिल्क, नॉन फॅटी दूध, बदामाचे दूध किंवा नारळाचे दूध वापरले जाते. त्यामुळे आज आम्ही तुम्हाला मॅचा बोबा चहा प्यायल्यामुळे आरोग्याला नेमके काय फायदे होतात, याबद्दल सांगणार आहोत. चला तर जाणून घेऊया. (फोटो सौजन्य-istock)
मॅचा बोबा चहा पिण्याचे फायदे
मॅचा बोबा चहामध्ये कॅटेचिन आणि अँटीऑक्सिडंट्स मुबलक प्रमाणात आढळून येते , ज्यामुळे शरीराचे हानिकारक पेशींपासून होणारे नुकसान थांबते. शिवाय रोगांपासून शरीराचा बचाव होतो.
चहामध्ये नैसर्गिक कॅफिन आढळून येतो, ज्यामुळे शरीराला ऊर्जा मिळते. या चहाचे सेवन केल्यामुळे मानसिक आरोग्य सुधारण्यास मदत होते. त्यामुळे दैनंदिन आहारात दुधाचा चहा पिण्याऐवजी मॅचा बोबा चहाचे सेवन करावे.
वाढलेले वजन कमी करण्यासाठी मॅचा बोबा चहाचे सेवन करावे. यामुळे शरीराच्या अवयवांवर वाढलेली चरबी झपाट्याने कमी होण्यास मदत होईल. वजन कमी करण्यासाठी मॅचा बोबा चहा पिणे उत्तम पर्याय आहे.
शरीरात साचून राहिलेले हानिकारक आणि विषारी पदार्थ बाहेर काढून टाकण्याचे काम मॅचा बोबा चहा करतो. त्यामुळे या चहाचे सेवन केल्यास आरोग्याला अनेक फायदे होतील.
मॅचा बोबा चहा शरीरातील कोलेस्ट्रॉलची पातळी नियंत्रणात ठेवण्यासाठी मदत करतो. ज्यामुळे हृदयविकाराचा झटका येण्याचा धोका टाळतो.
