मंगळवार, 7 जुलै 2026
लग्न ठरल्यानंतर दोन ते तीन महिने आधीपासूनच साडी खरेदीला सुरुवात केली जाते. साडीवरील लुक रॉयल आणि उठावदार दिसण्यासाठी त्यावर वेगवेगळ्या डिझाईनचे आरी वर्क करून घेतले जाते. आरी वर्क केल्यामुळे ब्लाऊजची शोभा वाढते आणि साधा ब्लाऊज सुद्धा खूप सुंदर दिसतो. कांजीवरम सिल्क किंवा पैठणी साडीवरील ब्लाऊज खुलून दिसण्यासाठी ब्लाऊजच्या हातांवर या डिझाईनचे आरी वर्क नक्की ट्राय करा. हल्ली कमीत कमी खर्चात सुद्धा आरी वर्क केलेले ब्लाऊज मिळतात. (फोटो सौजन्य – pinterest)
ब्लाऊजला द्या ट्रेंडी आणि एलिगंट टच! हातांवर करून घ्या 'या' डिझाईनचे सुंदर आरी वर्क, साडीच्या सौंदर्यात पडेल भर
साखरपुड्याच्या हिरव्या साडीवर सोनेरी रंगाच्या नाजूक मण्यांचे आरी वर्क अतिशय सुंदर दिसते. याशिवाय ब्लाऊजच्या हातांना हिरव्या रंगाचे मणी लावल्यास लुक अतिशय सुंदर दिसेल.
साधा ब्लाऊज आणखीनच उठावदार आणि स्टयलिश करण्यासाठी हातांच्या मध्यभागी आरी वर्कचे बाजूबंद बनवून घेऊ शकता. यामुळे अनावश्यक दागिने घालण्याची आवश्यकता भासणार नाही.
अनेकांना हेवी डिझाईन केले ब्लाऊज परिधान करायला खूप जास्त आवडतात. त्यामुळे ब्लाऊजवर तुम्ही या पद्धतीने आरी वर्क करून घेऊ शकता. यामुळे ब्लाऊज भरगच्च दिसेल.
काहींना ब्लाऊजवर अतिशय मिनिमल डिझाईन हवी असते. अशावेळी तुम्ही या पद्धतीने सुंदर आणि कमीत कमी खर्चात आरी वर्क करून घेऊ शकता.
युनिक डिझाईन हवी असल्यास नाजूक आरसे आणि इतर मण्यांचा वापर करून बनवलेले आरी वर्क केल्यास ब्लाऊजला सुंदर लुक येईल आणि चारचौघांमध्ये तुमचा लुक खुलून दिसेल.
