गुरुवार, 2 जुलै 2026
संपूर्ण जगभरात वेगवेगळ्या फळांचे उत्पादन घेतले जातात. काही फळे वर्षातून एकदाच उपलब्ध होतात तर काहीवेळा वर्षाच्या बाराही महिने उपलब्ध असतात. फळांचे सेवन केल्यामुळे शरीराला भरपूर फायदे होतात. आंबा भारताचे राष्ट्रीय फळ आहे. याशिवाय फळांचा राजा म्हणून कायमच आंब्याचे नाव घेतले जाते. एप्रिल, मी महिन्यात बाजारामध्ये मोठ्या प्रमाणावर आंबे उपलब्ध असतात. बऱ्याचदा तुम्हाला सुद्धा हा प्रश्न पडला असेल. फळांचा राजा आंबा तर फळांची राणी कोण? चला तर जाणून घेऊया यामागील सविस्तर माहिती. (फोटो सौजन्य – istock)
फळांचा राजा आंबा तर मग फळांची राणी कोण? जाणून घ्या थायलंड देशाच्या राष्ट्रीय फळाबद्दल सविस्तर माहिती
फळांचा राजा आंबा असून चवीला अतिशय आणि गोड, रसाळ फळांचा यादीमध्ये कायमच आंब्याचे नाव घेतले जाते. आंबा हे फळ साठवून ठेवता येत नाही.
फळांचा राजा आंबा आहे तर फळांची राणी मँगोस्टीन म्हणून ओळखली जाते. हे फळ थायलँड, मलेशिया आणि सिंगापूरमध्ये विकले जाते. चवीला आंबट गोड असॆके मँगोस्टीन थायलँडमधील राष्ट्रीय फळ आहे.
मँगोस्टीन फळ आकाराने ताडगोळ्यासारखे असते. याचे वैज्ञानिक नाव Garcinia mangostana असे आहे. पूर्वीच्या काळी लंडनची राणी व्हिक्टोरिया हीने ताजे मँगोस्टीन फळ आणणाऱ्या व्यक्तीला बक्षीस दिले होते.
मँगोस्टीनमध्ये विटामिन सी, के, फायबर आणि अँटीऑक्सिडंट्स मोठ्या प्रमाणावर आढळून येतात. तसेच अँटी इंफ्लेमेटरी गुणधर्मांनी समृद्ध असलेले फळ त्वचेसाठी फायदेशीर आहे.
मँगोस्टीनमध्ये असलेले फायबर पचनक्रिया चांगली ठेवण्यास मदत करतात. तसेच यामध्ये असलेले झँथोन्स नावाचे शक्तिशाली अँटिऑक्सिडंट्स, पेशींचे नुकसान होऊ देत नाही.
