लग्नसराईच्या दिवसांना सुरुवात झाली आहे. लग्न म्हणजे प्रत्येक मुलीच्या आयुष्यातील अतिशय आनंदाचा दिवस. लग्नाच्या दिवशी सुंदर दिसण्यासाठी मुली दोन ते तीन महिने आधीपासूनच तयारी करतात. नऊवारी साडीवरील ब्लाऊज, लग्नातील शालूवरील ब्लाऊज, दागिने, मेकअप इत्यादी अनेक गोष्टींची तयारी केली जाते. सप्तपदीच्या साडीवरील लूक आणखीनच हटके आणि उठावदार करण्यासाठी ब्लाऊजवर आरी वर्क किंवा स्टोन वर्क करून घेतले जाते. त्यामुळे तुम्ही सुद्धा तुमचा सप्तपदी लूक आणखीनच स्पेशल करण्यासाठी या डिझाईनचे ब्लाऊज शिवून घेऊ शकता. (फोटो सौजन्य – pinterest)
सप्तपदीच्या नऊवारी साडीवर शिवून घ्या आरी वर्क केलेले लेटेस्ट डिझाईन ब्लाऊज
सप्तपदीच्या साडीवरील लूक हटके आणि शाही करण्यासाठी ब्लाऊजवर हेवी डिझाईन असलेले आरी वर्क करून घेऊ शकता. यामध्ये ब्लाऊजवर मोर किंवा मण्यांचे आरी वर्क डिझाईन करू शकता.
काहींना अतिशय साधे आणि कमी डिझाईन असलेले ब्लाऊज परिधान करायला खूप जास्त आवडतात. अशावेळी ब्लाऊजवर मोत्याची नथ किंवा वेगवेगळ्या दागिन्यांची डिझाईन करू शकता.
ब्लाऊजवर नवरा नवरीचे नाव असलेले आरी वर्क करू शकता. यामुळे तुमचा ब्लाऊज इतरांपेक्षा वेगळा आणि हटके दिसेल. याशिवाय लग्नाचा हॅशटॅग ब्लाऊजच्या बॅकवर कोरून घेऊ शकता.
सप्तपदी लूकसाठी तुम्ही कांजीवरम किंवा सिल्क साडीची निवड केल्यास ब्लाऊजवर डोली किंवा कमळ असलेले पॅच लावून घेऊ शकता. यामुळे तुमचा ब्लाऊज भरगच्च दिसेल.
अनेकांना ब्लाऊजला लटकन हवे असतात. त्यामुळे लटकन आणखीनच उठावदार हवे असतील तर लटकनवर नवरानवरीच्या नावाचे पहिले अक्षर डिझाईन करू शकता.
