यंदाच्या दिवाळीत घरी आलेल्या पाहुण्यांसाठी झटपट बनवा अल्कोहोल-मुक्त हेल्दी पेय, आरोग्यासाठी ठरेल प्रभावी

डाळिंबाचा रस शरीरासाठी कायमच प्रभावी ठरतो. मिक्सरच्या भांड्यात डाळिंबाचे दाणे टाकून रस काढून घ्या. त्यानंतर त्यात साखर, चिमूटभर काळी मिरी पावडर आणि एक चमचा लिंबाचा रस टाकून मिक्स करून घ्या. या पद्धतीने बनवलेला डाळिंबाचा रस शरीरातील लोहाची पातळी वाढवण्यास मदत करेल.

उन्हाळ्यासह इतर सर्वच ऋतूंमध्ये मसाला ताक कायमच प्यायले जाते. मसाला ताक चवीसोबतच शरीरासाठी सुद्धा गुणकारी ठरते. यामुळे पोटात वाढलेली उष्णता, जळजळ कमी होते.

रंगीत गुलाबी फालुदा खायला सगळ्यांचं खूप जास्त आवडतो. गुलाबाच्या पाकळ्यांचे सिरप, शेवया, रबडी इत्यादी पदार्थांपासून बनवलेला फालुदा चवीला अतिशय सुंदर लागतो.

शरीर ताजेतवाने ठेवण्यासाठी किवी मिंट कुलरचे सेवन करावे. किवींचा रस बनवण्यासाठी किवी मॅश करून त्यात पुदिन्याची पाने, साखर सिरप इत्यादी पदार्थ टाकून सरबत बनवून घ्यावे.

खजूर खाल्ल्यामुळे शरीराला अनेक फायदे होतात. त्यामुळे घरी आलेल्या पाहुण्यांसाठी तुम्ही खजूर केळीचा शेक बनवू शकता. शेक प्यायल्यामुळे पोट सुद्धा भरलेले राहते.