हिंदू सणांना विशेष महत्व आहे. त्यातील अतिशय महत्वाचा सण म्हणजे नवरात्री. नवरात्रीच्या नऊ दिवसांमध्ये देवीच्या नऊ रूपांची पूजा केली जाते. नऊ रात्रींमध्ये भक्त दुर्गामातेच्या विविध रूपांची पूजा करतात.दसऱ्याच्या दिवशी दुर्गामातेचा महिषासुरावरील विजय साजरा केला जातो. दुर्गाला पूजेला जाताना महिला प्रामुख्याने बंगाली साडी नेसण्यास जास्त प्राधान्य देतात. पण बंगाली साडी जितकी सुंदर दिसते तितकीच साडी नेसण्यासाठी अतिशय कठीण वाटते. म्हणूनच आज आम्ही तुम्हाला बंगाली साडी नेसण्याची सोपी टिप्स सांगणार आहोत. या पद्धतीने बंगाली साडी नेसण्यास लुक अतिशय उठावदार आणि सुंदर दिसेल. (फोटो सौजन्य: Pinterest)
दुर्गा पूजनाला बंगाली लुक करायचा आहे? मग साडी नेसताना फॉलो करा 'या' सोप्या टिप्स
बंगाली साडी विकत घेताना पांढऱ्या किंवा लाल रंगाच्या साडीची निवड करावी. साडीवरील लुक आणखीनच सुंदर दिसण्यासाठी साडीच्या काठाला मॅच होईल असा ब्लाऊज निवडावा.
साडी नेसताना सर्वप्रथम साडी कंबरेवर खोचून घ्या. त्यानंतर साडीचा पदर कायमच डाव्या बाजूला काढावा. यामुळे साडीवरील लुक आणखीनच सुंदर दिसतो.
साडीचे दुसरे मागून समोर आणून कंबरेवर एक एक करून प्लेट्स काढून घ्या. साडीच्या रुंदीनुसार प्लेट्स काढून नाभीच्या खाली खोचा. ज्यामुळे लुक सुंदर दिसेल.
बंगाली साडीचा पदर डाव्या बाजूने काढावा. त्यानंतर पुढच्या बाजूला पदर सैल सोडावा. या पद्धतीने नेसलेली साडी अतिशय चापून चोपून बसेल.
बंगाली लुक करताना हातांना आणि पायाला आल्ता लावावा, जेणेकरून तुमच्या सौंदर्यात वाढ होईल.
