गुरुवार, 22 ऑक्टोबर 2026
लग्नाच्या २ महिने आधीपासूनच घ्या केसांची काळजी! घनदाट केसांसाठी आजीबाईच्या बटव्यातील 'हा' उपाय केल्यास केस होतील घनदाट
Hair Care: लग्नसराईच्या दिवसांना लवकरच सुरुवात होणार आहे. लग्नाच्या चार ते पाच महिने आधीपासून खरेदीला तयारी केली जाते. लग्नाच्या खरेदीसोबतच त्वचा आणि केसांची खूप जास्त काळजी घेतली जाते. केसांची काळजी घेताना अनेक वेगवेगळे उपाय केले जातात. हेअर केअर रुटीन, केसांच्या वेगवेगळ्या ट्रीटमेंट, महागडे प्रॉडक्ट इत्यादी अनेक गोष्टींची काळजी घेतली जाते. पण वातावरणात होणारे बदल आणि कामाच्या धावपळीमध्ये केसांच्या समस्या कमी होण्याऐवजी आणखीनच वाढत जातात आणि केस खूप जास्त पातळ होतात. केस गळणे, केस कोरडे पडणे, केसांमध्ये कोंडा होऊन केसांची गुणवत्ता खराब होते.(फोटो सौजन्य – istock)
लग्नात केस व्यवस्थित नसल्यामुळे हेअर स्टाईल करताना हेअर एक्सटेंशनचा वापर केला जातो. तसेच केस व्यवस्थित सेट करण्यासाठी सेटिंग स्प्रे सुद्धा वापरले जातात. त्यामुळे लग्नाआधी केस घनदाट आणि मजबूत होण्यासाठी आजीबाईच्या बटव्यातील हा उपाय करणे फायदेशीर ठरेल. पार्लरच्या महागड्या ट्रीटमेंट करण्याऐवजी स्वयंपाक घरात उपलब्ध असलेल्या पदार्थांचा वापर करावा. लग्नाच्या दोन महिने आधीपासून या तेलाचा नियमित वापर केल्यास केस सुंदर आणि चमकदार होतील.
तयार केलेले तेल केस धुवण्याच्या १ ते २ तास आधी केसांवर लावावे. आठवड्यातून दोनदा किंवा तीनदा तेल कोमट करून संपूर्ण केसांवर लावून हलक्या हाताने मसाज करा. मसाज केल्यामुळे रक्तभिसरण सुधारण्यास मदत होईल. तुमच्या सोयीनुसार केसांमध्ये तेल रात्रभर सुद्धा लावून ठेवू शकता. सकाळी उठल्यानंतर केस पाण्याने स्वच्छ धुवून टाका. केस स्वच्छ करताना सौम्य शाम्पूचा वापर करावा. केसांच्या वाढीसाठी केवळ तेलावर अवलंबून न राहता, आहारात अंडी, पनीर, चिकन, मासे, डाळी आणि कडधान्ये इत्यादी पदार्थांचा समावेश करावा.
