शनिवार, 8 ऑगस्ट 2026
सकाळी उठल्यानंतर सगळ्यात आधी चहा किंवा कॉफीचे सेवन केले जाते. या पेयांचे सेवन केल्याशिवाय दिवसाची सुरुवात झाल्यासारखे अजिबात वाटत नाही. पण वारंवार उपाशी पोटी चहा कॉफीचे सेवन केल्यास शरीरात अनेक बदल दिसून येतात. ऍसिडिटी आणि अपचनाच्या समस्या वाढून आरोग्य बिघडून जाते. त्यामुळे सकाळी उठल्यानंतर चहा कॉफी पिण्याऐवजी या हेल्दी पेयांचे सेवन करावे. रात्रीच्या झोपेनंतर शरीराला पोषक घटकांची खूप जास्त आवश्यकता असते. अशावेळी आरोग्यदायी आणि शरीर हायड्रेट ठेवणारी पेय प्यायल्यास जीवनसत्त्वे, खनिजे, फायबर आणि इतर आवश्यक पोषक घटक शरीराला मिळतील. (फोटो सौजन्य – istock)
चहाऐवजी सकाळी उठल्यानंतर करा 'या' हेल्दी पेयांचे सेवन, पचनक्रिया निरोगी राहण्यासोबत शरीराला मिळेल तात्काळ ऊर्जा
सकाळी उठल्यानंतर सगळ्यात आधी कोमट पाणी प्यावे. कोमट पाणी प्यायल्यामुळे आतड्यांमधील घाण बाहेर पडून जाते आणि संपूर्ण शरीर डिटॉक्स होते. रात्रीच्या जागरणानंतर शरीर ताजेतवाने ठेवण्याचा हा उत्तम मार्ग आहे.
उपाशी पोटी कोमट पाण्यात लिंबाचा रस मिक्स करून प्यायल्यास वजन कमी होण्यासोबतच शरीराला आवश्यक प्रमाणात विटामिन सी आणि इतर पोषक घटक मिळतील.
एक ग्लास थंड पाण्यात किंवा साध्या पाण्यात सत्तूचे पीठ, मीठ, जिऱ्याची पावडर आणि लिंबाचा रस मिक्स करून प्यायल्यास शरीराला तात्काळ ऊर्जा मिळेल आणि तुम्ही फ्रेश राहाल.
शरीर हायड्रेट ठेवण्यासाठी आठवड्यातून एकदा किंवा दोनदा नारळ पाणी प्यावे. नारळ पाण्यात पोटॅशियम, मॅग्नेशियम आणि इतर इलेक्ट्रोलाइट्स असतात.
केळी, सफरचंद, पालक आणि दही इत्यादी साहित्यांचा वापर करून बनवलेली स्मूदी चवीला अतिशय सुंदर लागते. एक ग्लासभर स्मूदी नियमित प्यायल्या शरीर फ्रेश राहते.
