आंबट गोड चवीचे स्टार फ्रुट आरोग्यासाठी ठरेल गुणकारी, जाणून घ्या शरीर आणि त्वचेला होणारे आश्चर्यकारक फायदे

स्टार फ्रुटमध्ये भरपूर प्रमाणात जीवनसत्त्व 'सी' आढळून येते. यामुळे त्वचेवर वाढलेले काळे डाग कमी होण्यास मदत होते. तसेच त्वचेवर आलेल्या सुरकुत्या कमी करण्यासाठी स्टार फ्रूटचे सेवन करावे.

करमरमध्ये फ्लावोनॉइड्स नावाचे अँण्टीऑक्सिडंट्स आढळून येते. यामुळे अचानक पायांना आलेली सूज कमी होण्यास मदत होते. याशिवाय मेंदूच्या आरोग्यासाठी करमर हे फळ अतिशय प्रभावी आहे.

फायबर युक्त स्टार फ्रूटचे सेवन केल्यामुळे शरीराची बिघडलेली पचनक्रिया सुधारण्यास मदत होते. या फळांच्या सेवनामुळे शरीरात साचून राहिलेले विषारी घटक बाहेर पडून जातात.

स्टार फ्रुटमध्ये पाण्याचे प्रमाण अधिक असते. त्यामुळे वाढलेले वजन नियंत्रणात ठेवण्यासाठी या फळाचे सेवन करावे. पोटावर वाढलेला अतिरिक्त चरबीचा थर कमी करण्यासाठी करमर गुणकारी आहे.

कडक उन्हाळ्यात डिहायड्रेशनची समस्या उद्भवण्याची जास्त शक्यता असते. अशावेळी करमर फळाचे सेवन करावे. हे फळ शरीरात पाण्याची पातळी वाढवण्यास मदत करते.