श्रावण महिना भगवान शंकराला समर्पित असतो. या महिन्यात अनेक लोक उपवास करतात. श्रावणात प्रामुख्याने सोमवारी उपवास केला जातो. सणांचा महिना म्हणून श्रावणाची ओळख आहे. सणावाराच्या दिवसांमध्ये सर्वच महिला छान नटून थटून तयार होतात. सुंदर साडी, गळ्यात दागिने आणि हातामध्ये हिरव्या बांगड्या घालून सुंदर लुक केला जातो. मात्र नेहमीच हिरव्या बांगड्या घालून कंटाळा आल्यानंतर तुम्ही या रंगीत आणि स्टायलिश बांगड्या घालू शकता. बांगड्या घातल्यामुळे हातांची शोभा वाढते. हात अधिक सुंदर आणि आकर्षित दिसतात. (फोटो सौजन्य – pintrest)
यंदाच्या श्रावणात हातामध्ये भरा 'या' डिझाईनच्या रंगीत चमचमणाऱ्या बांगड्या
साडी नेसल्यानंतर हिरव्या किंवा रंगीत बांगड्यांमध्ये तुम्ही मेटलचे सुंदर कडे घालू शकता. बाजारात अनेक वेगवेगळ्या प्रकारचे मेटल कडे उपलब्ध आहेत.
स्टोनवर्क केलेले गोठ केवळ मेटलच्या बांगड्यांमध्येच नाहीतर काचेच्या बांगड्यांमध्ये सुद्धा उपलब्ध आहेत. ज्या महिलांना भरपूर बांगड्या घालायला आवडत नाहीत, अशांसाठी काचेचे गोठ उत्तम पर्याय आहे.
हल्ली सोशल मीडियावर काचेच्या रेनड्रॉप बांगड्यांची मोठी क्रेझ आहे. या बांगड्या कोणत्याही ड्रेस किंवा साडीवर तुम्ही स्टाईल करू शकता. रेनड्रॉप बांगड्या हातांमध्ये घातल्यानंतर खूप सुंदर दिसतात.
वेगवेगळ्या रंगाच्या रंगीत बांगड्याना रेनबो बांगड्या असे म्हणतात. इंद्रधनुष्याच्या रंगांच्या बांगड्या कोणत्याही रंगाच्या साडीवर, ड्रेसवर तुम्ही घालू शकता.
लग्नाच्या दिवशी नव्या नवरीच्या हातांमध्ये प्रामुख्याने हिरव्या बांगड्या असतात. तर पंजाब आणि इतर राज्यांमधील नवरीच्या हातात लाल रंगाचा स्टोन वर्क केलेला चुडा असतो.
