गौरी गणपती सणाला करा पारंपरिक साज! ‘या’ पद्धतीने केसांमध्ये माळा मोगऱ्याच्या फुलांचा गजरा

गौरी गणपतीचा लुक गजऱ्याशिवाय अपूर्ण वाटतो. त्यामुळे जर तुम्ही साडीवर मोकळे केस सोडत असाल तर या पद्धतीने केसांमध्ये गजरा लावावा. यामुळे तुमचे केस अतिशय सुंदर आणि उठावदार दिसतील.

शॉर्ट हेअर असलेल्या मुलींना केस मोकळे ठेवायला खूप जास्त आवडतात. अशावेळी केसांमध्ये या पद्धतीने गजरा घातल्यास युनिक हेअर स्टाईल दिसेल.

केस मोकळे सोडल्यानंतर ते लगेच गुंतून जातात. त्यामुळे केसांचा अंबाडा किंवा वेगवेगळी हेअर स्टाईल केली जाते. अशावेळी तुम्ही अंबाड्याभोवती सुंदर मोगऱ्याचा गजरा घालू शकता.

लांब केस असलेल्या महिला प्रामुख्याने केसांची वेणी घालण्यास जास्त प्राधान्य देतात. अशावेळी तुम्ही वेणीला गजरा गुंडाळून सुंदर हेअर स्टाईल करू शकता. यामुळे केसांची शोभा वाढेल.

मोकळ्या केसांमध्ये तुम्ही गजरा आणि ब्रोच दोन्ही सुद्धा लावू शकता. केसांमध्ये कोणत्याही फुलांचा गजरा अतिशय सुंदर दिसेल.