जेवल्यानंतर नियमित ५ मिनिटं चालल्यामुळे शरीरातील दिसून येतील सकारात्मक बदल, आरोग्याला होतील फायदे

जेवल्यानंतर नियमित ५ मिनिटं चालल्यामुळे शरीराची पचनक्रिया सुधारण्यास मदत होते. याशिवाय अननपदार्थ सहज पचतात. गॅस, आम्लता आणि अपचन इत्यादी अनेक समस्यांपासून सुटका मिळते. आतड्यांचे आरोग्य सुधारते.

मधुमेहाच्या रुग्णांनी नियमित ५ ते १० मिनिटं चालणे आवश्यक आहे. चालल्यामुळे शरीराची हालचाल होते. याशिवाय रक्तातील साखरेची पातळी नियंत्रणात ठेवण्यासाठी चालणे आवश्यक आहे. या सवयींमुळे टाइप-२ मधुमेहाचा धोका देखील कमी होतो.

वाढलेले वजन कमी करण्यासाठी नियमित ५ किंवा त्यापेक्षा जास्त चलावे. यामुळे शरीरावर वाढलेली अतिरिक्त चरबी कमी होते आणि वजन नियंत्रणात राहते. तसेच शरीरातील कॅलरीज बर्न होण्यास मदत होते.

जेवल्यानंतर चालण्यास किंवा बाहेर फिरण्यास गेल्यामुळे शरीराचा रक्तदाब नियंत्रणात राहतो. याशिवाय हृदयाचे आरोग्य सुधारण्यास मदत होते. शरीरात वाढलेली कोलेस्ट्रॉलची पातळी नियंत्रणात ठेवण्यासाठी नियमित चालावे.

मानसिक तणाव वाढल्यानंतर आरोग्य बिघडून जाते. त्यामुळे जेवल्यानंतर किंवा इतर वेळी रोज चालण्यास जावे. यामुळे शरीराला अनेक फायदे होतात. चिंता, तणाव कमी होऊन मूड सुधारतो.