महाराष्ट्रीयन लुकसाठी परिधान करा ‘हे’ पारंपारिक दागिने, नऊवारीसह सर्वच साड्यांवर दिसतील सुंदर

नथीशिवाय महाराष्ट्रीयन साज पूर्ण होत नाही. मोती आणि सोन्याच्या तारेचा वापर करून नथ तयार केली जाते. पारंपारिक मोत्यांची नथ विविध आकारात बाजारामध्ये उपलब्ध आहे. याशिवाय तुम्ही डायमंड आणि ऑक्सिडाइजच्या वेगवेगळ्या डिझाईनमध्ये सुद्धा नथ परिधान करू शकता.

मोत्यांची गुंफण करून तयार केलेल्या दागिन्याला चिंचपेटी असे म्हंटले जाते. चिंचपेटी परिधान केल्यानंतर इतर कोणताही दागिना परिधान करण्याची आवश्यकता भासत नाही. हल्ली मोठ्या आकाराच्या मोत्यांचा वापर करून सुद्धा चिंचपेटी तयार केली जातं आहे.

महाराष्ट्रामध्ये बुगडी या दागिन्याला विशेष महत्व आहे. कानाच्या वरच्या भागात बुगड्या परिधान केल्या जातात. हल्ली बाजारात मोती आणि चांदीच्या बुगड्या उपलब्ध झा;झाल्या आहेत. याशिवाय हल्ली डायमंडच्या बुगडी सुद्धा ट्रेंडमध्ये आहेत.

काठापदराची किंवा पैठणी साडी परिधान केल्यानंतर तुम्ही बोरमाळ हा दागिने परिधान करू शकता. दोन किंवा तीन पदरी मण्यांची माळ तयार करून बोरमाळ हा दागिना बनवला जातो. यामध्ये सोनं, चांदी किंवा ऑक्सिडाईज्ड मण्यांचा वापर केला जातो.

गळ्याभोवती घातला जाणारा दागिना म्हणजे ठुशी. ठुशी परिधान केल्यानंतर त्यावर तुम्ही कोणत्याही डिझाईनचा मोत्याचा किंवा सोन्याचा हार परिधान करू शकता. हल्ली ड्रेसवर सुद्धा अनेक मुली, महिला ठुशी परिधान करतात. बारीक मण्यांची गुंफण करुन तयार केलेल्या दागिन्यांमध्ये पाचू, माणिक, रत्न यासारखे खडे सुद्धा जोडले जातात.