Bihar Election 2025:
जन सुराज पक्षाचे संस्थापक प्रशांत किशोर यांनी यावेळी बिहार विधानसभा निवडणुकीत पूर्णवेळ प्रचार सुरू केला आहे. त्यांनी सर्व २४३ जागांवर उमेदवार उभे केले आहेत. किशोर यांच्याबाबत एक महत्त्वाची बातमी समोर आली आहे: ते दोन राज्यांमध्ये मतदार असल्याचे निष्पन्न झाले आहे. त्यांचे नाव बिहार आणि पश्चिम बंगाल या दोन्ही राज्यांच्या मतदार यादीत आहे.
बंगालमध्ये त्यांचे पत्ता १२१ कालीघाट रोड आहे, जे भवानीपूरमधील तृणमूल काँग्रेस (टीएमसी) कार्यालयाच्या ठिकाणी आहे. प्रशांत किशोर यांनी यापूर्वी तृणमूल काँग्रेसमध्ये राजकीय सल्लागार म्हणून काम केले होते. २०२१ च्या विधानसभा निवडणुकीत त्यांनी मुख्यमंत्री ममता बॅनर्जी यांच्यासाठी निवडणूक रणनीती आखण्यात महत्त्वाची भूमिका बजावली होती. एका इंग्रजी वृत्तवाहिनीतील वृत्तानुसार, किशोर यांचे पश्चिम बंगालमधील मतदान केंद्र राणी शंकरी लेन येथील सेंट हेलेन स्कूल आहे.
तर दुसरीकडे, प्रशांत किशोर यांचे नाव नाव बिहारमधील मतदार यादीत देखील आहे. जिथे ते सासाराम संसदीय मतदारसंघातील मतदार आहेत. त्यांचे मतदान केंद्र मध्य विद्यालय, कोणार आहे – तेच ठिकाण जिथे प्रशांत किशोर हे त्यांचे वडिलोपार्जित गाव असल्याचे मानले जाते.
जेव्हा प्रशांत किशोर यांना डुप्लिकेट मतदार यादीच्या मुद्द्याबद्दल विचारण्यात आले, तेव्हा त्यांनी कोणतेही उत्तर दिले नाही. त्यांनी फोनही उचलला नाही. बिहारमध्ये येण्यापूर्वी ते पश्चिम बंगालमध्ये मतदार होते. किशोर यांनी त्यांचे पश्चिम बंगाल मतदार कार्ड रद्द करण्यासाठी अर्ज देखील केला होता, परंतु त्या अर्जाची स्थितीबाबत कोणतीही माहिती नाही, असे पक्षाच्या वरिष्ठ नेत्याने सांगितले आहे.
बिहारचे मुख्य निवडणूक अधिकारी विनोद सिंग गुंज्याल यांनीदेखील या प्रकरणावर मौन बाळगले आहे. लोकप्रतिनिधी कायदा, १९५० च्या कलम १७ अंतर्गत, कोणत्याही व्यक्तीची एकापेक्षा जास्त मतदार यादीत नोंदणी करता येत नाही. कलम १८ नुसार, एका व्यक्तीचे नाव एकापेक्षा जास्त मतदारसंघात मतदार यादीत येऊ नये. जर एखाद्या मतदाराला त्यांचा मतदारसंघ बदलायचा असेल तर त्यांनी फॉर्म ८ भरावा आणि त्यांचे नाव नवीन ठिकाणी हस्तांतरित करावे.
जयपूरमध्ये मोठी बस दुर्घटना; आगीत होरपळून दोघांचा मृत्यू, 12 जण गंभीर जखमी
तज्ञांच्या मते, मतदार यादीत दोन ठिकाणी एखाद्या व्यक्तीचे नाव दिसणे हा नवा प्रकार नाही. या कारणास्तव, निवडणूक आयोगाने अलीकडेच एक विशेष सघन पुनरावृत्ती (SIR) मोहीम सुरू केली आहे. प्रशांत किशोर वादाबद्दल स्थानिक तृणमूल काँग्रेसच्या नगरसेवक कजरी बॅनर्जी यांच्याशी संपर्क साधला असता, त्या म्हणाल्या, “१२१ कालीघाट रोड येथे तृणमूल काँग्रेस पक्षाचे कार्यालय आहे. प्रशांत किशोर तिथे येत असत आणि काही काळ त्या इमारतीत राहतही होते. पण ते त्या भागातील मतदार होते की नाही हे मी सांगू शकत नाही.”
प्रशांत किशोर यांच्या मतदार यादीवरून वाद निर्माण होण्याची ही पहिलीच वेळ नाही. गेल्या लोकसभा निवडणुकीत, सीपीआयने आरोप केला होता की प्रशांत किशोर हे पश्चिम बंगाल मतदारसंघातील मतदार होते. त्यांनी निवडणूक आयोगाला पत्र लिहून प्रशांत किशोर आता तेथे राहत नाहीत आणि म्हणूनच त्यांचे नाव मतदार यादीतून काढून टाकावे, अशी मागणी करण्यात आली होती.
.png "Videos"){kind=small}
