मोदी है तो मुमकिन है! डाव्यांच्या सत्तेला कमळाने लोळवले; दक्षिणेकडील ‘या’ राज्यात एन्ट्री, आता कॉँग्रेसची…

केरळमध्ये झालेल्या स्थानिक स्वराज्य संस्थांच्या निवडणुकीत भाजपने विजयाचे खाते उघडले आहे. केरलची राजधानी तिरूवअनंतपुरममध्ये भाजपने एलडीएफची सत्ता उधळून लावली आहे. भाजपने एलडीएफची 4 दशकांची सत्ता उधळून लावली आहे. भाजपचा हा विजय केरळमध्ये नव्या राजकारणाचा अध्याय असल्याचे समजले जात आहे. पंतप्रधान मोदी यांनी देखील तेथील जनतेचे आभार मानले आहेत.

तिरूवअनंतपुरममध्ये गेल्या 40 वर्षांपासून एलडीएफ म्हणजेच डाव्या लोकशाही आघाडीची सत्ता होती. आता या महानगरपालिकेत भाजपचे कमळ फुलले आहे. निकालामुळे  राजकारणात भूकंप झाला आहे. डाव्या लोकशाही आघाडीला मोठा धक्का समजला जात आहे. तिरूवअनंतपुरम केवळ केरळची राजधानी नसून राजकीय दृष्ट्या देखील महत्वाचे केंद्र समजले जाते.

हा तोच मतदारसंघ आहे जिथे कॉँग्रेसचे नेते शशी थरूर हे चार वेळा खासदार म्हणून निवडून आले आहेत. त्यामुळे हा भाग बरेच वर्ष कॉँग्रेस आणि डाव्या आघाडीचे वर्चस्वाखाली असल्याचे पाहायला मिळाले. दरम्यान येथे आता भाजपचा विजय झाला आहे. त्यामुळे केरळमध्ये भाजपची एन्ट्री झाल्याचे पाहायला मिळत आहे.

पंतप्रधान मोदींची पोस्ट काय? 

तिरूवअनंतपुरममध्ये भाजपचा विजय झाल्यावर पंतप्रधान नरेंद्र मोदी यांनी सोशल मिडियावर पोस्ट केली आहे. यामध्ये ते म्हणाले, “धन्यवाद तिरूवअनंतपुरम. हा विजय केरळच्या राजकारणातील एक महत्वाचा क्षण आहे. भाजपच केरळच्या विकासाच्या आकांक्षा पूर्ण करू शकते असा तेथील जनतेला विश्वास आहे.” पंतप्रधान मोदी यांनी  पक्षाचे कार्यकर्ते आणि नागरिकांचे आभार मानले.

संबंधित बातम्या