Mayor Election Schedule: महापौर निवडणुकीची तारीख ठरली! ‘या’ दिवशी होणार मतदान; कोणाचं पारडं जड?

महानगरपालिका सचिव नंदकिशोर भोंबे यांनी यासंदर्भात माहिती दिली. जाहीर कार्यक्रमानुसार निवडणूक प्रक्रिया नियमानुसार आणि शांततेत पार पाडण्यासाठी आवश्यक त्या सर्व सूचना देण्यात आल्या आहेत.

 

• महापौर निवडणुकीची तारीख ठरली!
• ‘या’ दिवशी होणार मतदान
• कोणाचं पारडं जड?

Chhatrapati Sambhajinagar Municipal Corporation Election 2026: छत्रपती संभाजीनगर, सत्तास्थानासाठी महानगरपालिकेतील महत्त्वाच्या असलेल्या महापौर व उपमहापौर पदांच्या निवडणुकीची संपूर्ण प्रक्रिया प्रशासनाने जाहीर केली आहे. यानुसार नामांकन वितरण, स्वीकृती, तपासणी, नामवापसी आणि निवडणूक घेण्यासाठी विशेष सभेचे वेळापत्रक निश्चित करण्यात आले आहे. या निवडणुकीकडे शहराच्या राजकारणाचे लक्ष लागले आहे. महानगरपालिका सचिव नंदकिशोर भोंबे यांनी यासंदर्भात माहिती दिली. जाहीर कार्यक्रमानुसार निवडणूक प्रक्रिया नियमानुसार आणि शांततेत पार पाडण्यासाठी आवश्यक त्या सर्व सूचना देण्यात आल्या आहेत.

कशी असेल निवडणूक प्रक्रिया?

महापौर व उपमहापौर पदासाठी इच्छुक उमेदवारांना ४ व ५ फेब्रुवारी २०२६ रोजी सकाळी १० ते सायंकाळी ६ वाजेपर्यंत नामांकन पत्रांचे वितरण केले जाणार आहे. तसेच ६ फेब्रुवारी रोजी सकाळी १० ते दुपारी ३ वाजेपर्यंत नामांकन पत्रे उपलब्ध करून दिली जातील. याच दिवशी म्हणजे ६ फेब्रुवारी २०२६ रोजी सकाळी १० ते सायंकाळी ६ वाजेपर्यंत नामांकन पत्रांची स्वीकृती करण्यात येणार आहे. सायंकाळी ६ वाजता नामांकन स्वीकारण्याची अंतिम मुदत राहणार असून, त्यानंतर कोणतेही नामांकन स्वीकारले जाणार नाही. नामांकन पत्रे महापालिका सचिव व त्यांच्या कार्यालयात स्वीकारली जातील.

विशेष सभेतच तपासणी आणि नामवापसी निवडणूक प्रक्रियेतील महत्त्वाचा टप्पा असलेली नामांकन पत्रांची तपासणी १० फेब्रुवारी २०२६ रोजी होणाऱ्या विशेष सभेतच करण्यात येणार आहे. सभेच्या सुरुवातीला पीठासीन अधिकारी नामांकन पत्रांची तपासणी करतील, तपासणीनंतर वैध उमेदवारांची नावे सभागृहात वाचून दाखविण्यात येतील. त्यानंतर उमेदवारांना नामवापसीसाठी १५ मिनिटांचा कालावधी देण्यात येणार आहे.

विमानतळ विस्ताराचा मार्ग मोकळा! ७५० शेतकऱ्यांच्या ५४ हेक्टर जमिनीची होणार ‘फायनल’ खरेदी; अधिसूचना जारी

१० फेब्रुवारीला सकाळी ११ वाजता विशेष सभा

महापौर व उपमहापौर पदासाठी १० फेब्रुवारी २०२६ रोजी सकाळी ११ वाजता विशेष सभा आयोजित करण्यात आली आहे. ही सभा महानगरपालिकेच्या सभागृहात होणार आहे. या सभेत प्रथम महापौर पदाची निवडणूक पार पडेल. त्यानंतर उपमहापौर पदासाठी मतदान प्रक्रिया राबविण्यात येईल. दोन्ही पदांच्या निवडणुका एकाच सभेत पूर्ण केल्या जाणार आहेत.

हात उंचावूनच मतदान

महापौर-उपमहापौरपदासाठी सोमवारी १० फेब्रुवारी रोजी सकाळी ११ वाजता निवडणुक प्रक्रिया सुरु होणार आहे. यात सर्व प्रक्रिया झाल्यानंतर मतदान प्रक्रिया ही हात उंचावूनच केली जाणार आहे. पहिल्यांदा महापौरपदासाठी तर नंतर उपमहापौर पदासाठी मतदान होणार आहे. महापालिकेतील सर्वाधिक जागा जिंकलेला पक्ष हा भाजप आहे. त्यांचे ५७ नगरसेवक विजयी झाले आहेत. या पक्षाकडून येत्या ५ फेब्रुवारीनंतरच गटाची नोंदणी होणार आहे.

विशेष सभेसाठी ओळखपत्र असेल अनिवार्य

१० फेब्रुवारी रोजी होणाऱ्या विशेष सभेदरम्यान नवनिर्वाचित नगरसेवकांनी फोटोयुक्त ओळखपत्र सोबत ठेवणे आवश्यक राहणार आहे. ओळखीसाठी भारत निवडणूक आयोगाचे मतदार ओळखपत्र, आधार कार्ड, पॅन कार्ड, पासपोर्ट किया वाहनचालक परवाना यापैकी कोणतेही एक वैध ओळखपत्र ग्राह्य धरले जाणार आहे.

मराठवाड्यात ‘वंदे भारत’ स्लीपर डब्यांची कारबॉडी निर्मिती; ‘हे’ शहर ठरणार महत्त्वाचे राष्ट्रीय निर्मिती केंद्र