Maharashtra Politics : तो आक्षेपार्ह व्हिडिओ अन् पक्षाची झाली थू-थू; सुनेत्रा पवारांचा थेट झिरवळांना फोन

नरहरी झिरवाळ यांच्या कथित आक्षपार्ह व्हिडिओ प्रकरणामुळे ते वादाच्या भोवऱ्यात अडकले आहेत. त्यांच्या राजीनाम्याची देखील मागणी केली जात आहे. याच प्रकरणावर उपमुख्यमंत्री सुनेत्रा पवारांनी फोनवर चर्चा केली आहे.

• मंत्री नरहरी झिरवाळ यांचा आक्षेपार्ह व्हिडिओ प्रकरण
• उपमुख्यमंत्री सुनेत्रा पवार यांच्याशी फोनवर चर्चा
• माझी काहीही चूक नाही – झिरवाळ

Narhari Zirwal : नाशिक : राष्ट्रवादी पक्षातील अनेक नेते हे वादाच्या भोवऱ्यामध्ये अडकले आहेत. दिवंगत नेते अजित पवार यांच्या निधनानंतर पक्षाची घडी बसवण्याची जबाबदारी सुनेत्रा पवार (Sunetra Pawar) यांच्याकडे आहे. मात्र याच बरोबर नेत्यांची नावे ही वादग्रस्त प्रकरणामध्ये येत असल्यामुळे अडचणींमध्ये वाढ झाली आहे. मंत्री नरहरी झिरवाळ (Narhari Zirwal) यांचे आक्षेपार्ह व्हिडिओ समोर आल्यानंतर आता सुनेत्रा पवार यांनी त्यांच्याशी फोनवर चर्चा केली आहे.

राज्याचे अन्न व औषध प्रशासन मंत्री नरहरी झिरवाळ यांचा आक्षेपार्ह व्हिडिओ समोर आला. यामध्ये प्रशासकीय निवासस्थानी त्यांचे हे व्हिडिओ तुफान व्हायरल झाले असून त्यांच्यावर कारवाईची मागणी केली जात आहे. तसेच नरहरी झिरवाळ यांच्या राजीनाम्याची देखील मागणी केली जात आहे. याच प्रकरणावर उपमुख्यमंत्री सुनेत्रा पवार आणि मंत्री नरहरी झिरवाळ यांची फोनवर चर्चा झाली असल्याची माहिती समोर आली आहे.

हे देखील वाचा : राष्ट्रवादीवर नेतृत्व कोणाचं? सुनेत्रा पवार की तटकरे अन् पटेलांचं? वर्चस्वाची लढाई सुरु

मीडिया रिपोर्टनुसार, मंत्री नरहरी झिरवळ यांनी स्वतःची बाजू पक्षाच्या अध्यक्षांकडे मांडली आहे. या प्रकरणात माझी काहीही चूक नाही. या प्रकरणाची चौकशी झाली पाहिजे, यासाठी नाशिक जिल्हा पोलीस प्रमुखांना पत्र दिलं असल्याची माहिती मंत्री झिरवळ यांनी दिली असल्याची माहिती आहे. काल पार पडलेल्या मंत्रिमंडळाच्या बैठकीला झिरवळ यांची अनुपस्थीती होती. मात्र पक्षाच्या पुढील आठवड्यातील बैठकीत ते उपस्थित राहून आपली बाजू मांडणार, अशी देखील माहिती आहे. पुढील आठवड्यात होणाऱ्या राष्ट्रवादी काँग्रेस पक्षाच्या अंतर्गत बैठकीत नरहरी झिरवाळ यांच्याबाबत निर्णय होण्याची शक्यता आहे.

हे देखील वाचा : विलीनीकरणाची माहिती मला आधीपासूनच होती! सुनील तटकरेंच्या विधानाने खळबळ

या प्रकरणाच्या विरोधात ट्रान्सजेंडर पवन यादव यांनी तक्रार दाखल केली आहे. मंत्री नरहरी झिरवळांच्या व्हायरल व्हिडिओ प्रकरणी अखेर गुन्हा दाखल करण्यात आला आहे. ट्रान्सजेंडरच्या तक्रारीवरून कफ परेड पोलीस ठाण्यात हा गुन्हा दाखल करण्यात आला आहे. ट्रान्सजेंडरच्या भावाविरोधातच गुन्हा दाखल करण्यात आला आहे. अन्न व औषध प्रशासनात (एफडीए) मध्ये नोकरी लावण्याची मागणी केल्याचा, अन्यथा व्हिडिओ व्हायरल करण्याची धमकी दिल्याचं या एफआयआरमध्ये आरोप करण्यात आले आहे. व्हिडिओ व्हायरल करण्यापूर्वी एडिट केल्याचा देखील आरोप यावेळी करण्यात आला आहे.