लाडक्या बहिणींसाठी अजित पवार यांची मोठी घोषणा; ‘शक्ती बॉक्स’ ठरणार महिलांचा तारणहार

राज्यामध्ये महिलांच्या सुरक्षेचा प्रश्न समोर आला आहे. बदलापूर प्रकरणानंतर अशीच अनेक अत्याचाराच्या घटना समोर आल्या आहेत. यामुळे विरोधकांनी देखील लाडकी नाही तर सुरक्षित बहीण हवी असल्याची मागणी केली. यानंतर आता अजित पवार यांनी महिलांसाठी नवीन योजना जाहीर केली आहे. शक्ती बॉक्स राज्य सरकारकडून जाहीर करण्यात आला आहे.

बारामती : राज्यामध्ये सध्या महिला सुरक्षा आणि सबलीकरण हे मुद्दे चर्चेमध्ये आले आहेत. राज्य सरकारकडून एकीकडे महिलांसाठी लाडकी बहीण सारख्या योजना जाहीर केल्या जात आहेत. तर दुसऱ्या बाजूला महिलांवरील अत्याचार देखील वाढले आहेत. यामध्ये अनेक प्रकरणं समोर आल्यानंतर उपमुख्यमंत्री अजित पवार यांनी महत्त्वपूर्ण निर्णय घेतला आहे. अजित पवार यांनी पत्रकार परिषद घेत याबद्दल अधिकची माहिती दिली आहे. अजित पवार यांनी शक्ती बॉक्स हा नवीन हेल्पलाईन सुरु केली आहे. यावरुन महिलांची सुरक्षेची अधिक काळजी घेतली जाणार आहे.

अजित पवार यांनी पत्रकार परिषदेमध्ये शक्ती बॉक्स या योजनेबाबत माहिती दिली. या अभियानामध्ये युवकांचं प्रबोधन आणि महिलांची सुरक्षा याबद्दल माहिती दिली जाणार आहे. मुलींचा होणारा पाठलाग, छेडछाड, आयडी लपवून फोन करणं या सगळ्या गोष्टी मुलींना सांगता येईल. खासगी कंपन्या, एस. टी. स्टँड, पोलीस स्टेशन, रेल्वे स्टेशन या आणि अशा सार्वजनिक ठिकाणी शक्ती बॉक्स ठेवण्यात येतील. मुली, महिला यांच्याकडून ज्या तक्रारी येतील त्याची दखल घेतली जाईल. तसंच ज्या महिलेने, मुलीने तक्रार केली आहे त्यांचं नाव गोपनीय ठेवलं जाईल, अशी माहिती अजित पवार यांनी दिली आहे.

हे देखील वाचा : आई ओरडते म्हणून मुलीने केला अत्याचाराचा बनाव; पोलिसांनी तपास केला अन्…

राज्यामध्ये महिलांच्या सुरक्षेसाठी नवीन उपाययोजना केल्या जात आहे. यासाठी अजित पवार यांनी पोलिसांशी देखील चर्चा केली आहे. त्यामुळे शक्ती बॉक्स योजनेबाबत माहिती देताना अजित पवार यांनी सांगतिले की, पुणे, पिंपरी चिंचवडनंतर बारामतीचा नंबर लागतो. शहरातील कायदा सुव्यवस्था चांगली ठेवणं आवश्यक आहे. नागरिकांनीही चांगला प्रतिसाद दिला पाहिजे. बारामतीकरांना वाटतं की कायदा सुव्यवस्था व्यवस्थित रहावं ज्यांना वाटतं त्यासाठीच हा बॉक्स ठेवण्याचा निर्णय घेतला आहे. शक्ती नंबरही आपण देणार आहोत. एक कॉल प्रॉब्लेम सॉल्व्ह असं स्लोगन आपण त्याला दिलं आहे. 920939497 हा तो नंबर आहे. यावर एक कॉल केला तर मुली, महिलांना होणारा त्रास सांगता येईल. हा क्रमांक 24/7 तत्त्वावर सुरु असेल. या क्रमांकावर फोन किंवा मेसेज केल्यास त्या तक्रारीचं निवारण करण्याबाबत आणि योग्य ती कारवाई करण्याबाबत दक्षता घेण्यात येणार आहे आणि संबंधित महिला किंवा मुलींची नावं गोपनीय ठेवण्यात येतील, अशी माहिती अजित पवार यांनी दिली आहे.

See more

पत्रकार परिषद, बारामती https://t.co/IeA6QykLTz

— Ajit Pawar (@AjitPawarSpeaks) October 3, 2024

अजित पवार यांनी पुढे सांगितले की, बारामतीतल्या शाळा, कॉलेज, कंपन्या, हॉस्पिटल आणि इतर दर्शनी ठिकाणी शक्ती नंबर लावण्यात येईल. महिलांसोबत चुकीचे प्रकार, गैरप्रकार जर सांगण्यात आले तर त्याचेही निराकरण करण्यात येईल. शक्ती कक्षही स्थापन करण्यात येणार आहे. यामध्ये दोन महिला पोलीस अंमलदार असतील. महिला, मुली, बालके यांना भयमुक्त वातावरण देणं हा या कक्षाचा उद्देश असेल. कायदेविषयक मार्गदर्शन, अन्याय, समस्यांचं निराकरण असं या कक्षाचा उद्देश आहे. चौथा भाग आहे शक्ती नजर या माध्यमातून सोशल मीडिया, व्हॉट्स ॲप स्टेटस, फेसबुक पोस्ट, इन्स्टग्राम यावर अल्पवयीन किशोरवयीन मुले शस्त्रं, बंदुक, चाकू यांसह फोटो किंवा व्हिडीओ पोस्ट करतात. असे प्रकार घडले तर तातडीची कारवाई केली जाईल. शेवटचा भाग आहे शक्ती भेट. या अंतर्गत शाळा, महाविद्यालयं, खासगी कंपन्या, एस. टी. स्टँड, महिला वसतिगृह या ठिकाणी भेटी देऊन महिलांना, मुलींना त्यांच्याबाबतचे कायदे. गुड टच, बॅड टच या सगळ्याची माहिती दिली जाणार आहे, असंही अजित पवार यांनी स्पष्ट केलं.