Maharashtra MLC Election 2026: मोठी बातमी! राज्यातील ५ शिक्षक आणि पदवीधर मतदारसंघाची निवडणूक जाहीर, वाचा सविस्तर

Maharashtra MLC Election : केंद्रीय निवडणूक आयोगाने २२ सप्टेंबर रोजी महाराष्ट्रासोबतच बिहार, कर्नाटक आणि उत्तर प्रदेश या राज्यांमधील विधान परिषदेच्या पदवीधर आणि शिक्षक मतदारसंघांतील द्विवार्षिक निवडणुकांचा कार्यक्रमही जाहीर केला आहे. या घोषणेमुळे राजकीय पक्षांनी आपापल्या उमेदवारांची चाचपणी आणि मोर्चेबांधणी सुरू केली आहे.

Maharashtra MLC Election 2026 Schedule Announced : राज्यात पुन्हा एकदा  निवडणुकीचे पडघम वाजणार आहे. केंद्रीय निवडणूक आयोगाने महाराष्ट्रातील पाच विधानपरिषदेच्या जागेच्या निवडणुकीची घोषणा केली.  यसाठी निवडणूक आयोगाने (ECI) आज (२२ सप्टेंबर)  बिहार, कर्नाटक, महाराष्ट्र आणि उत्तर प्रदेशच्या विधान परिषदेतील पदवीधर आणि शिक्षक मतदारसंघांमधील द्विवार्षिक निवडणुकांची घोषणा केली आहे. यात महाराष्ट्रातील  अमरावती, पुणे , नागपूर, औरंगाबाद या विभागांचा समावेश असून येत्या 23 ऑक्टोबर 2026 रोजी पदवीधर आणि शिक्षक मतदारसंघासाठी मतदान होमार आहे.  तर  27 ऑक्टोबरला याची मतमोजणी होईल.  

विधानपरिषदेतील रिक्त होणार्‍या जागांवर निवडणुका होणार  आहेत. शिक्षक आणि पदवीधर  निवडणुकीसाठी 29 सप्टेंबर पासून अर्ज प्रक्रिया सुरू होईल, तर  23 ऑक्टोबर रोजी या जागांसाठी मतदान पार पडेल,  तर 27 ऑक्टोबर रोजी या निवडणुकीचा निकाल जाहीर केला जाईल. निवडणूक आयोगाने  पाच जागांवर निवडणूक जाहीर केल्यानंतर आता  राजकीय वर्तुळात पुन्हा एकदा वेगवान हालचाली सुरू होणार आहेत.

मोठी बातमी ! आमदार अमित गोरखे यांच्या वाहनाला नाशिकमध्ये अपघात; दोन वाहनांमध्ये झाली धडक

असा आहे निवडणूक कार्यक्रम

आयोगाने प्रसिद्ध केलेल्या प्रसिद्धीपत्रकानुसार, २९ सप्टेंबर २०२६ रोजी निवडणुकीची अधिसूचना जाहीर करण्यात येणार आहे. उमेदवारी अर्ज दाखल करण्याची अंतिम तारीख ६ ऑक्टोबर असेल. ७ ऑक्टोबर रोजी अर्जांची छाननी करण्यात येईल, तर ९ ऑक्टोबर ही उमेदवारी अर्ज मागे घेण्याची अंतिम तारीख असेल.

त्यानंतर २३ ऑक्टोबर रोजी सकाळी ८ ते दुपारी ४ वाजेपर्यंत मतदान होणार आहे. २७ ऑक्टोबर रोजी मतमोजणी करण्यात येणार असल्याचे आयोगाने प्रसिद्ध केलेल्या प्रसिद्धीपत्रकात नमूद केले आहे.

महाराष्ट्रातून कोणत्या जागा रिक्त होणार?

एकूण जागा: ५ (३ पदवीधर आणि २ शिक्षक मतदारसंघ)
सेवानिवृत्तीची तारीख: ६ डिसेंबर, २०२६
प्रमुख सदस्य आणि मतदारसंघ:
चव्हाण सतीश भानुदासराव (औरंगाबाद विभाग पदवीधर)
अरुण गणपती लाड (पुणे विभाग पदवीधर)
अभिजीत गोविंदराव वंजारी (नागपूर विभाग पदवीधर)
सरनाईक किरण रामराव (अमरावती विभाग शिक्षक)
जयंत दिनकर आसगावकर (पुणे विभाग शिक्षक)

Maharashtra Drought Assessment: महाराष्ट्रात कसा जाहीर होणार दुष्काळ? राज्य सरकारकडून निकष जारी

राज्य विधानपरिषदेतील या पाचही आमदारांचा कार्यकाळ संपणार आहे. या रिक्त होणाऱ्या जागांसाठी येत्या 23 ऑक्टोबरला मतदान होणार आहे. या निवडणुकीसाठी राजकीय पक्षांमधील हालचाली वाढू लागतील. त्यामुळे यंदाच कोणत्या जागेवर कोणाला संधी मिळणार, याकडेही सर्वांचे  लक्ष लागले आहे.

गेल्या निवडणुकीत पुणे पदवीधर मतदरसंघातून  राष्ट्रवादी काँग्रेसचे अरूण लाड यांना उमदेवारी देण्यात आली होती. त्या निवडणुकीत ते विजयी झाले होते. तर शिक्षक मतदारसंघातून काँग्रेसचे जयंत आसगावकर यांचा विजय झाला होता.  पण भाजप उमेदवाराचा पराभव झाला होता. त्यामुळे यावेळी भाजप कोणते डाव टाकणार, कोणत्या उमेदवारा मैदानात उतरवणार, याचीही चर्चा सुरू झाली आहे.