Protest Against Election Commission: निवडणूक आयोगाविरोधात रान पेटणार… ‘; राज आणि उद्धव ठाकरे ४ ऑक्टोबरला मैदानात उतरणार

Raj Thackeray: निवडणूक आयोगातील भ्रष्ट कारभार चव्हाट्यावर आल्यानंतर देशभरातून संतापाची लाट उसळली आहे.  विरोधी पक्षांनी मुख्य निवडणूक आयुक्त ज्ञानेश कुमार यांच्या राजीनाम्याची मागणी केली आहे. असे असतानाच निवडणूक आयोगाच्या विरोधात आज दुपारी उद्धव ठाकरे आणि राज ठाकरे यांनी संयुक्त पत्रकार परिषद घेतली. 

• येत्या ४ ऑक्टोबरला मुंबईत निवडणूक आयोगाच्या कारभाराविरोधात निघणार विराट मोर्चा
• भायखळा (क्रुडास कंपनी गेट) ते मुंबई महापालिका असा सकाळी ११ वाजता निघणार मोर्चा
• मोर्च्यात राजकीय पक्षाच्या झेंड्यांना मनाई; सर्वांच्या हातात फक्त ‘तिरंगा’ असणार

Protest Against Election Commission:  निवडणूक आयोगाच्या विरोधात येत्या ४ ऑक्टोबरला मुंबईत मोर्चा निघणार आहे. भायखळ्यातूल क्रुडास कंपंनीच्या गेटपासून मुंबई महापालिकेपर्यंत हा मोर्चा निघेल. मोर्चा महापालिकेसमोर पोहचल्यानंतर तिथे सभा होईल. सकाळी ११ वाजल्यापासून या मोर्चाला सुरुवात होईल निवडणूक आयोगाच्या विरोधातील हा मोर्चा असल्याने या मोर्चात कोणत्याही राजकीय पक्षाचा झेंडा नसेल. लोकशाही आणि संविधान वाचवण्यासाठी हा मोर्चा असल्याने हातात फक्त तिरंगा झेंडा असावा,” अशी माहिती महाराष्ट्र नवनिर्माण सेनेचे प्रमुख राज ठाकरे (Raj Thackeray) यांनी दिली आहे.

निवडणूक आयोगातील भ्रष्ट कारभार

निवडणूक आयोगातील भ्रष्ट कारभार चव्हाट्यावर आल्यानंतर देशभरातून संतापाची लाट उसळली आहे.  विरोधी पक्षांनी मुख्य निवडणूक आयुक्त ज्ञानेश कुमार यांच्या राजीनाम्याची मागणी केली आहे. असे असतानाच निवडणूक आयोगाच्या विरोधात आज दुपारी उद्धव ठाकरे आणि राज ठाकरे यांनी संयुक्त पत्रकार परिषद घेतली.  मुंबईत येत्या  ४ ऑक्टोबरला मनसे आणि ठाकरे सेनेच्या वतीने निवडणूक आयोगाविरोधात मोर्चाचे आयोजन करण्यात आले आहे. यासंदर्भात राज ठाकरे, माजी मुख्यमंत्री उद्धव ठाकरे आणि खासदार संजय राऊत यांनी पत्रकार परिषदेच्या माध्यमातून माहिती दिली.

Sachin Waze Bail: मोठी बातमी! अँटिलिया स्फोटक प्रकरणात सचिन वाझेला दिलासा; विशेष NIA कोर्टाकडून जामीन

राज ठाकरे म्हणाले की, मी २०१७ मध्ये ईव्हीएमविरोधात भूमिका घेऊन मी अनेक नेत्यांची भेट घेतली होती. यावर आम्ही ४ तारखेच्या मोर्च्यात बोलूच पण, हा मोर्चा कोणत्या राजकीय पक्षाविरोधात नाही. गेल्या काही वर्षांत निवडणूक आयोगाकडून जो काही गैरकारभार सुरू आहे, त्याविरोधात हा मोर्चा असणार आहे. त्यामुळे सर्वांनी मोर्चात सहभागी व्हावं,” असंही राज ठाकरे म्हणाले.

४ तारखेच्या मोर्चानंतर पुढच्या रुपरेषेबाबत आम्ही नंतर ठरवू

तसेच ४ तारखेच्या मोर्चानंतर पुढच्या रुपरेषेबाबत आम्ही नंतर ठरवू. पण ४ तारखेच्या मोर्चासाठी आम्ही सर्वच राजकीय पक्षांना यासाठी आमंत्रण देणार आहोत. हा मोर्चा कुठल्या राजकीय पक्षाविरोधात नाही. निवडणूक आयोगाच्या कारभाराविरोधातला हा मोर्चा आहे. लोक रस्त्यावर येतील तेव्हा निवडणूक आयोगाला समजेल, असा इशाराही राज ठाकरे यांनी दिला .

खाई त्याला खवखवे

निवडणूक आयोगावर होणाऱ्या आरोपांना भाजपकडून प्रत्युत्तर दिले जात आहे, असे विचारले असता, “खाई त्याला खवखवे आम्ही निवडणूक आयोगावर बोलतोय, त्याचा भाजपाला त्रास का होतोय?” असा खोचक टोलाही राज ठाकरे यांनी भाजपाला लगावला.

Simple OneS इलेक्ट्रिक स्कूटर भारतात बंद! 190 किमी रेंजसह आलेली स्कूटर आता मार्केटमधून गायब; जाणून घ्या

निवडणूक आयोगाच्या कारभारावर आणि मतदार याद्यांमधील कथित गोंधळावर जोरदार निशाणा साधत उद्धव ठाकरे यांनी या मुद्द्याकडे केवळ राजकीय जय-पराजयाच्या चौकटीतून न पाहण्याचे आवाहन केले आहे. या पार्श्वभूमीवर बुधवारी ३० सप्टेंबर रोजी राष्ट्रीय पातळीवर ‘इंडिया’ (INDIA) आघाडीची एक अत्यंत महत्त्वाची बैठक पार पडणार असून, निवडणूक आयोगाविरोधात राष्ट्रीय स्तरावर पुढील रणनीती काय असावी यावर सविस्तर मंथन होणार आहे. तत्पूर्वी, ‘शिवतीर्थ’ या राज ठाकरे यांच्या निवासस्थानी ठाकरे बंधूंनी एकत्र येत ४ ऑक्टोबर रोजी मुंबईत भायखळा ते बीएमसी मुख्यालयादरम्यान भव्य संयुक्त महामोर्चा काढण्याची मोठी घोषणा केल्याने राजकीय वातावरण तापले असून, या मोर्चाकडे संपूर्ण देशाचे लक्ष लागले आहे.