Devendra Fadnavis: ‘दिल्ली अजून दूर आहे, २०२९ पर्यंत मीच…’; देवेंद्र फडणवीसांचा मोठा दावा; तर महायुतीत…

मुख्यमंत्री देवेंद्र फडणवीस यांना केंद्रीय राजकारणातील त्यांच्या स्थानाबद्दल विचारले असता, ते म्हणाले की दिल्ली अजूनही खूप दूर आहे. परंतु त्यांनी असेही सांगितले की....

• राष्ट्रीय राजकारणाचे संकेत फेटाळले
• महायुतीमध्ये ‘पार्टनर बदलणार नाही’ 
• देवेंद्र फडणवीसांचा मोठा दावा

मुंबई: राज्याचे मुख्यमंत्री देवेंद्र फडणवीस (Devendra Fadnavis) यांनी २०२९ पर्यंत आपण आपल्या पदावर कायम राहणार असल्याचा मोठा दावा बुधवारी केला. तसेच, राज्यातील सत्ताधारी महायुतीच्या (Mahayuti) रचनेत कोणताही बदल होणार नसल्याचे त्यांनी स्पष्ट केले. राष्ट्रीय राजकारणातील त्यांच्या भूमिकेबद्दल विचारले असता, फडणवीस म्हणाले: “माझ्या पक्षाबद्दल मला जी माहिती आहे… त्यानुसार ‘दिल्ली’ अजून खूप दूर आहे. मी २०२९ पर्यंत महाराष्ट्राचा मुख्यमंत्री कायम राहीन.”

महायुतीत कोणताच बदल नाही

सध्याच्या सत्ताधारी महायुतीमध्ये भाजप, एकनाथ शिंदे यांच्या नेतृत्वाखालील शिवसेना आणि अजित पवार यांच्या नेतृत्वाखालील राष्ट्रवादी काँग्रेस पक्ष यांचा समावेश आहे. या आघाडीत कोणताही बदल होणार नाही, असे फडणवीस यांनी स्पष्ट केले: “ना कोणी नवीन भागीदार बनेल, ना भागीदारांची अदलाबदल होईल.” स्थानिक स्वराज्य संस्थांच्या निवडणुकीपूर्वी (Local Body Elections – ३१ जानेवारी २०२६ पर्यंत पूर्ण होणार) राज्यातील मतदार यादीत त्रुटी असल्याचा आरोप करणाऱ्या विरोधकांवरही त्यांनी यावेळी निशाणा साधला.

राजकीय प्रतिस्पर्धकांशी सलोख्याचे संबंध

मुख्यमंत्री फडणवीस यांनी आपल्या मनात राजकीय प्रतिस्पर्धकांबद्दल कोणताही द्वेष नसल्याचे सांगितले. “२०२४ च्या विधानसभा निवडणुकांनंतर राजकीय स्थिरता असल्यामुळे नेत्यांमध्ये सलोखा परत येईल, असा माझा विश्वास आहे. यापूर्वी २०१९ च्या विधानसभा निवडणुकीनंतर अस्थिरतेमुळे राजकीय नेत्यांमध्ये वैर निर्माण झाले होते. माझे ९९ टक्के राजकीय नेत्यांशी सौहार्दपूर्ण संबंध आहेत,” असे ते म्हणाले.

Maharashtra Politics : “आम्ही युती तोडत…”, भाजप नेत्याचे मोठे विधान, शिवसेनेच्या अडचणीत वाढ ?

ठाकरे बंधूंच्या एकत्र येण्यावर प्रतिक्रिया

मनसे प्रमुख राज ठाकरे आणि शिवसेना (यूबीटी) प्रमुख उद्धव ठाकरे यांच्या स्थानिक स्वराज्य संस्थांच्या निवडणुकीत एकत्र येण्याच्या अटकळांवरही फडणवीस यांनी प्रतिक्रिया दिली. “मराठीच्या मुद्द्यावरून मी दोन्ही भावांना जवळ आणले, असे राज ठाकरे म्हणत असतील, तर मी ते एक अभिनंदन मानतो.” “आधी पक्ष फोडल्याबद्दल माझ्यावर टीका व्हायची. कोणताही तिसरा व्यक्ती राजकीय पक्ष फोडू शकत नाही. केवळ महत्त्वाकांक्षा आणि अन्यायच पक्ष तोडू शकतात,” असे त्यांनी नमूद केले.

‘ठाकरे ब्रँड’वर स्पष्ट भूमिका

त्यांनी जोर देऊन सांगितले की, ठाकरे ब्रँडचा अर्थ फक्त शिवसेना संस्थापक दिवंगत बाळासाहेब ठाकरे आहेत, दुसरे कोणी नाही. एकनाथ शिंदे यांना त्रास देण्यासाठी राज आणि उद्धव ठाकरे यांच्यात युती घडवून आणल्याच्या आरोपावर फडणवीस म्हणाले, “राज यांच्याशी माझे जसे संबंध आहेत, तसेच शिंदे यांचेही आहेत.”

Bihar Election Effect: बिहारींना खूष करण्यासाठी देवेंद्र फडणवीसांचा एकनाथ शिंदेंना आणखी एक धक्का